بیرلشگن ملتلر تشکیلاتی: افغانستانده چیقیندیلرنی باشقریش حیاتی اهم یت‌گه اېگه دیر
۸صبح، کابل:بیرلشگن ملتلر تشکیلاتی نینگ انسان مسکنلنتیریش دستوری، افغانستانده، اینیقسه نارسمی یشش حدودلریده چیقیندیلرنی باشقریش حیاتی اهمیت‌گه اېگه اېکنینی معلوم قیلدی.
مذکور دستور، ۲۷- قوس، پنجشنبه کونی، اعلان قیلگن خبریده چیقیندیلرنی باشقریشگه یېترلی اعتبار قره‌تیلمسلیگی اهالی سلامتلیگیگه سلبی تأثیر کۉرسه‌تیشینی آگاهلنتیردی.
بیرلشگن ملتلر تشکیلاتی انسانی مسکنلنتیریش دستوری تأکیدلشیچه، اوشبو معما شهرلرده‌گی نارسمی یشش حدودلریده ینه‌ده کېسکینراق نمایان بۉلماقده.
دستور ساغلام شهرلر و جماعه‌لرنی تأمینلش یۉلیده‌گی سعی-حرکتلرگه علیحده اورغو بېرگن.
قید اېتیلیشیچه، کابل شهریده رسمی و نارسمی یشش حدودلریده استقامت قیلووچی اهالی چیقیندیلرینی یۉل چېتلریگه تشلماقده.
