امریکا تشقی ایشلر وزیرلیگی: اوقوو ییل نینگ باشلنیشی افغان قیزلری اوچون قیغولی اېسلتمه
افغانستانده ینگی تعلیمی و تحصیلی ییل باشلنیشی عرفه‌سیده، امریکا قۉشمه ایالتلری تشقی ایشلر وزیرلیگی نینگ سۉزلاوچیسی متیو میلر، «قیغولی اېسلتمه» افغان قیزلرینی کوتیب تورگنینی اېتگن.
میلر بو سۉزلرنی ۱۶ حوت، چهارشنبه کونی خبری بیر ییغیلیشده بیان قیلگن.
امریکا تشقی ایشلر وزیرلیگی سۉزلاوچیسی گه کوره، واشنگتن افغان قیز اوقووچیلری گه مکتب‌لر ایشیگی آچیلیشی اوچون طالبان گه هر قنده‌ی باسیم کېلتیریش اوچون هر فرصتدن فایده‌لنه‌دی.
اونینگ کوپه‌یتیریشیچه: «بیز انیقله‌گن‌میز که طالبان قیزلرنی هېچ قچان مکتب باریش دن محروم قیلمسلیگی کېره‌ک. افغانستانده خاتین قیزلر نینگ حقوقی رعایت بولیشی اوچون تلاش قیلیشی‌میز درکار.»
میلر طالبان دن افغانستان خاتین قیزلری گه قرشی «کم‌سیتیش بویروغ» لرینی بیکار قیلیشنی سۉره‌گن.
افغانستانده خاتین قیزلر بیرینچی حقوق‌لری جمله دن ایش و تعلیم حقیدن محروم اېتیلگنلریدن ایکّی ییل دن کوپ اۉتماقده.
اوشبو مدت ایچیده انسان حقلری و عیاللر نینگ حقوقی رعایت بولیشی گه دایر جهانی تاکیدلر بیلن، طالبان چېکلاو و قرارلریدن حاضرگچه آرتگه چېکینمه‌گنلر.
برچه‌سی بیلن بو گروه، اسلام قاعده‌لری اساسیده افغانستانده خاتین قیزلر نینگ حقوقی تأمین اېتیلگنینی ادعا قیلماقدهلر.
