کابلده اۉزبېک فعاللر نوایی و بابرنی اېسلش احتفالینی اۉتکزدی
۸صبح، کابل: افغانستان پایختی کابل شهریده اۉزبېک فعاللر بوگون شنبه، ۲۶ – دلو، بیر احتفال اۉتکزیب امیرعلیشیر و ظهیرالدین محمد بابرنینگ توغیلگن کونینی نشانلهدیلر.
کابلده اۉزبېکستان ایلچیسی آیبیک عثمانوف و دیپلوماتلری هم اشتراک اېتگن اوشبو احتفالده فعاللر نوایی و بابر میراثی قدرلنیشینی تاکید قیلگنلر.
اۉزبېکستان ایلچیسی نوایی و بابر بجرگن ایشلریدن اېسلب، اولر افغانستان، اۉزبېکستان، مرکزی آسیا مملکتلریگه قوشیمچه پاکستان و هندوستاننینگ هم مشترک میراثی دېب معلوم قیلدی.
اۉزبېکستان ایلچیسینینگ ایتیشیچه نوایی و بابرنینگ بجرگن ایشلری و قالدیرگن میراثی قدرلنیشی کېرهک دیر.
اوشبو احتفالده طالبان ییریک رسمیلریدن بیران کیشی حضوری یۉق اېدی.
بو احتفال شوندی بیرحالده اۉتکزیلماقده دیر که افغانستاننینگ طالبان حاکمیتی دوریده تورلی مدنیتلر خواطرلی بیر احوالده توشیب قالگن.
طالبان بوندن ایلگری، بلخ ولایتی مرکزی مزارشریف شهریده طالبان هیکلنی یۉق اېتیب اۉزبېک فعاللر ناراضلیگینی اۉرتهگه آلیب کېلگن اېدی.
طالبان بو حرکتیگه قرشی کینگ ناراضلیکلر همده اۉزبېکستان تشقی ایشلر وزیرلیگی تامانیدن آچیقلیک سۉرهلگندن کیین امیرعلیشیر نوایی اوچون ینگی بیر یادگارلیک بنا قوریلیشینی وعده بېرگن اېدی.
