آق‌سرای: امریکا نینگ اوکراین گه حربی یاردم‌لری یېتیب باریشی ممکن
آق‌سرای ملی خوفسیزلیک سۉزلاوچیسی جیک سالیوان کی‌یف گه سفری دایره‌سیده، امریکا قۉشمه ایالتلری نینگ که جمهوری‌خواه‌لر سۉنگی آی‌لرده تصویب بولیشی گه توسیق بولگن اېدیلر حربی یاردم‌لری، اوکراین گه یېتیب باریشی ممکن دیگن.
رویترز نینگ معلوماتی اساسیده، سالیوان ۲۰ مارچ، چهارشنبه کونی کی‌یف گه تشریف بویرگن، او واشنگتن اوکراین نی قۉللب-قوتلش گه دوام بیریشیدن ایشانچ بیلدیرگن.
بایدن دولتی رسمی‌لری نینگ ایتیشلریچه، امریکا نینگ اوکراین گه ۶۰ میلیارد دالرلیک یاردم لایحه‌سینی اوشبو مملکت کانگرسی‌ده اصلی ایکّی حزب قۉللب-قوتلسه ده، بیراق جمهوری‌خواه‌لر اونگه قرشی دیر و امریکا قۉشمه ایالتلری نماینده‌لر کینگشی نینگ جمهوری‌خواه باشلیغی مایک جانسون، اوشبو لایحه نی آواز بیریش اوچون حاضرگچه قویمه‌گن.
شو بیلن بیرگه، جیک سالیوان اوکراین جمهور باشلیغی نینگ ریاست دفتر باشلیغی آندری یرماک بیلن اۉچره‌شوودن کیین خبری ییغیلیش‌ده قتنشیب ایتیشیچه: «بو ایشنی عملی قیلیش گه ایشانه‌من. بیز بو یاردم‌لرنی البته که اوکراین گه یېتکزیب بیره‌میز.»
آق‌سرای ملی خوفسیزلیک مصلحتچیسی بو یاردم‌لر قچان تصویب بولیشی حقیده هېچ نرسه دیمه‌گن.
اونگه کوره، مذکور لایحه نینگ تصویب قیلیش باسقیچی «کوپ چوزیلگن.»
اوشبو گزارش اساسیده، روسیه اوکراین حدودی نینگ دییرلی آلتیدن بیر قسمینی باسیب آلگن و حاضر روسیه حربی کوچلری هجوم قیلیش حالتیده قرار تاپگن.
