قندوزده موتر اغدریلیشی عاقبتیده ۲۶ کیشی یرهلندی
۸صبح، کندز: قندوزنینگ علیآباد اولسواللیگیده ۵۸۰ روسوملی موترنینگ اغدریلیشی عاقبتیده ۲۶ کیشی یرهلنگن.
قندوز خوفسیزلیک قوماندانلیگی سۉزلاوچیسی جمعهالدین خاکسار، یکشنبه کونی، ۲۲ سنبله، واقعه اولسواللیکنینگ «جلوگیر» حدودیده صادر بۉلگنینی اَیتگن.
اونینگ سۉزلریگه کۉره، جراحتلنگنلر آرهسیده عیاللر و بالهلر هم بار و اولر دوالنیش اوچون طبیات مرکزلریگه آلیب کېتیلگن.
خاکسار بو واقعه سببی هیداوچینینگ احتیاطسیزلیگی دېب بیلگن و جراحتلنگنلرنینگ ساغلیغی قانیقرلی اېکنینی اَیتگن.
افغانستانده یۉل حادثهلری هر ییلی بیر قطار فقرالرنینگ حیاتیگه ضامن بۉلهدی، کۉپلب آدملر اېسه بو حادثهلرده یرهلنهدی.
هیداوچیلرنینگ احتیاطسیزلیگی، معیاردن آرتیق تېزلیک، یۉللرنینگ ناسازلیگی و یۉل حرکتی قاعدهلریگه رعایه قیلمسلیک اوشبو حادثهلرنینگ اساسی سببلری حسابلنهدی.
