فاریابده بیر باله آته‌سینی تیشهلب اۉلدیرگن
۸صبح، فاریاب: فاریاب ولایتیده طالبان نینگ بلند مرتبه‌لی رسمیلری ۵۰ یاشر بیر اېرکک بو ولایتده اۉغلی تامانیدن اۉلدیریلگنی باره‌سیده خبر بېرگنلر.
۳۰-میزان یکشنبه کونی فاریابده طالبلر امنیه قوماندانلیگی نینگ رسمیلری بیر خبرنامه نشر قیلیب ایتیشلریچه، ولایت مرکزی میمنه شهریده 16یاشر بیر باله آته‌سینی تیشهلب اۉلدیرگن.
خبرنامه‌ده، حادثه تیناوون کېچقورون میمنه شهری نینگ تاتارخانه قیشلاغیده یوز بېرگنی قید اېتیلگن.
بو باله آته‌سینی اۉلدیرگندن کېین محلدن قاچیب کېتگن دېدی محلی مسووللر.
حادثه نینگ اصلی سببی عایله‌وی زوروانلیکدن کېلیب چیققن بۉلیشی ممکن دېگن طالبلر بو خصوصده تفصیلات بېرمه‌گن.
عین حالده، بوندن نېچه وقت آلدین قندهار شهری نینگ آلتینچی خوفسیزلیک حوزه‌سیگه قره‌شلی آغا کلاچه ساحه‌سیده بیر باله آته‌سینی اۉلدیرگن اېدی.
بونده‌ی حادثه‌لر س‌ۉنگی چاغلرده اولکه نینگ ایریم ولایتلریده کۉپه‌یگنی ایتیله‌دی.
