ایران‌ده افغان قاچقینلری موتری قوله‌شی عاقبتیده ایکّی کیشی هلاک و ۱۰ کیشی یره‌لنگن
۸صبح، نیمروز: ایران‌ده افغانستانلیک قاچقینلر موتری نینگ قوله‌شی نتیجه‌سیده ایکّی کیشی هلاک و باشقه ۱۰انسان تن جراحتی آلگن دېب خبر بېردی منبعلر.
منبعلرنینگ ۸صبح کونده‌لیگیگه ایتیشیچه، افغان مهاجرلری نینگ موتری ناقانونی ایران کېته‌دېگنده ۱۵-قوس چهارشنبه کونی بو مملکت بلوچستان و سیستان سراوان خاش منطقه‌سیده قوله‌گن.
منبعلر، بو ترافیک حادثه‌ده هلاک بۉلگنلر غور ولایتی نینگ یشاوچیلری بۉلگنینی بیلدیرگن.
حادثه «پژو» تیپلی موترنینگ یۉل چېتده‌گی تۉسیق (موانع) بیلن توقنشگنی عاقبتیده یوز بېرگن.
هیداووچی نینگ حددن تېز بۉلگنی بو ترافیک حادثه یوز بېریشیگه سبب بۉلگنی تیلگه آلینه‌دی.
عین حالده، بوندن نېچه کون آلدین هم افغان قاچقینلری نینگ موتری سیستان بلوچستان‌ده قوله‌گنی عاقبتیده اوچ کیشی هلاک بۉلیب باشقه ۲۶ کیشی تن جراحتی آلگن اېدی.
