بیر یوک تشووچی کېمه قطر ساحللری یقینیده هجومگه اوچره‌دی
بریتانیا دېنگیز سوداسی عملیات‌لری تشکیلاتی دوحه ساحلیدن ۴۲ کیلومتر اوزاقلیکده بیر یوک تشووچی کېمه هجومگه اوچره‌گنینی معلوم قیلدی.
الجزیره یک‌شنبه کونی، ۱۰- می کونی بریتانیا دېنگیز سوداسی عملیات‌لری تشکیلاتیگه ته‌ینیب خبر بېریشیچه، بو کېمه نامعلوم تامانلر آرقه‌لی عملگه آشیریلگن آتیلیش بیلن نشانگه آلینگن.
معلوماتلرگه کۉره، یوک تشووچی کېمه قطر شمالی-شرقی سوولریده حرکتلنه‌یاتگن بۉلگن.
ایتیلیشیچه، نامعلوم تامان آتیشمه‌سی کېلیب اوریلگه‌چ، کېمه‌دن یانغین چیققن، بیراق یانغین نینگ کېنگه‌ییب کېتیشی نینگ آلدی آلینگن.
امریکا و اسراییل‌نینگ ایرانگه قرشی اوروشی باشلنگنیدن سۉنگ، فارس کۉرفزیده دېنگیز تشووی جدّی درجه‌ده خوفلی بۉلیب قالگن.
اوروش دوامیده فارس کۉرفزی نینگ جنوبی قیرغآغیده‌گی دولتلر، جمله‌دن قطر هم ایران نینگ راکت و درون هجوملریگه اوچره‌گن.
بیراق تېهران بو دولتلرنی اۉزیگه قرشی ۳۹ کونلیک اوروشده امریکا بیلن همکارلیکده حرکت قیلیشده عیبله‌ماقده.
