قطر و عمان تشقی ایشلر وزیرلری هرمز بۉغازی مسأله‌سی خصوصیده صحبت‌لشدی
قطر باش وزیری و تشقی ایشلر وزیری شیخ محمد بن عبدالرحمان بن جاسم آل ثانی همده عمان تشقی ایشلر وزیری بدر البوسعیدی، تېلفون آرقه‌لی هرمز بۉغازی و ایران و امریکا اۉرته‌سیده‌گی کېلیشوو خصوصیده فکر المشتیرگن.
الجزیره، دوشنبه کونی اېرته‌لب، ۲۷ جولای، خبر بېریشیچه، قطر تشقی ایشلر وزیری مملکتی‌نینگ کېسکینلیکنی کمه‌یتیریش و منطقه‌ده کېنگ قمراولی تینچلیک کېلیشوویگه اېریشیش یۉلیده‌گی سعی-حرکتلرنی تۉلیق قۉللب-قوّتلشینی بیلدیرگن.
خبرگه کۉره، قطر تشقی ایشلر وزیری برچه تامانلر ملاقات و دیپلوماسی‌گه صادق قالیشی همده ایران و امریکا کېلیشووینی، جمله‌دن، هرمز بۉغازیده کېمه‌لر قتناوی اېرکینلیگینی کفالتلشنی عملگه آشیریش ضرورلیگینی تأکیدله‌گن.
بو ایران و امریکا اۉرته‌سیده‌گی کېسکینلیکلر، اسلام‌آباد کېلیشووی امضالنگنیدن سۉنگ حربی تۉقنه‌شوولر‌نینگ ینه باشلنیشیگه آلیب کېلیب، هرمز بۉغازی‌نینگ یاپیق قالیشیگه همده اوشبو بۉغازده اېرکین دېنگیز قتناوی مسأله‌سیده کېلیشماوچیلیکلرگه سبب بۉلگن بیر پیتده یوز بېرماقده.
