طالبان صنعت و تجارت وزیرلیگی سرپرستی یېتکچیلیگیده‌گی هیات پاکستان باردی
۸صبح، کابل: طالبان صنعت و تجارت وزیرلیگی مذکور وزیرلیک سرپرستی نورالدین عزیزی رهبرلیگیده بیر هیات پاکستان‌گه بارگنینی بیلدیردی.
طالبلر صنعت و تجارت وزیرلیگی ۲۲-عقرب دوشنبه کونی ایکس اجتماعی ترماقده بیر پیام یازیب، مذکور هیات اۉزبېکستان و پاکستان نماینده‌لری اشتراکیده اۉتکزیله‌جک اوچ تامانلمه ییغینده قتنه‌شیش مقصدیده اسلام آباد سفر قیلدی دېب بیلدیرگن.
بو وزیرلیک نینگ معلوم قیلیشیچه، مذکور هیات ترکیبیده مالیه، ترانسپورت، هوا یوللری و تشقی ایشلر وزیرلیکلری‌نینگ نماینده‌لری بار.
عین حالده، بوندن ایکّی کون آلدین طالبان سوو برق وزیرلیگی سرپرستی عبداللطیف منصور هم ایران‌گه سفر قیلگن اېدی.
منصور ایرانلیک بلند مرتبه‌لی رسمیلر بیلن بۉلگن اوچره‌شووده رسمی تهران‌دن برق تعرفه‌سی کمه‌یتیریلیشینی ایسته‌گن اېدی.
طالبان نماینده‌لری‌نینگ اسلام آبادگه اوشبو سفری سۉنگی کونلرده پاکستان افغانستانلیک قاچقینلرنی جبری چیقاریش لایحه‌سینی باشلگندن کېین بو گروه بیلن رسمی اسلام آبادعلاقه‌سی تره‌نگلشگنی بیر پیتده عمل‌گه آشیریلماقده.
