فاریاب ده بیر کیشی طالبان ایکینچیلیک وزیری تاغه‌سی نینگ اوغلی قییناق‌لری آستیده جان بیردی
محلی منبعلر نینگ ایتیشلریچه، فاریاب ولایتی قرغان تومنیده بیر کیشی طالبان استخبارت مدیری «امیدالله دایی معاویه»، نینگ قییناق‌لری آستیده جان بیرگن.
منبعلر ۸صبح کونده‌لیگیگه ایتیشلریچه، «کمال‌الدین قره» اسملی اوشبو کیشی ۱۹ دلو، پنج‌شنبه کونی اۉز اویی ده طالبان استخبارات کوچلری تامانیدن قولگه آلینیب و اوشه کون نینگ شام چاغیده مذکور گروه اونینگ جسدینی عایله‌سی گه تاپشیرگن.
منبعلر گه کوره، کمال‌الدین نینگ آته‌سی تورکمنستان ده تجارت قیله‌دی و طالبان استخبارات مدیری اوشبو عایله نی پول تولش گه تهدید قیلگن اېکن.
کمال‌الدین نینگ عایله‌سی «معاویه» گه پول بیرمه‌گنلری اوچون او طالبان مذکور اعضاسی تامانیدن قولگه آلینیب و اۉلدیریلگنینی معلوم قیله‌دی، منبعلر.
امیدالله دایی معاویه طالبان ایکینچیلیک، سوغاریش و چارواچیلیک وزیری عطاءالله عمری تاغه‌سی نینگ اوغلی دیر.
منبعلر فاریاب ولایتی قرغان تومنیده طالبان استخبارات مدیرینی یشاوچیلر دن «باج‌آلیش» گه عیبلب او هردایم محل یشاوچیلرینی تورلی بهانه‌لر سبب تهدید و کلتکلشینی ایته‌دیلر.
طالبان بوتوغریده حاضرگچه هیچ نرسه دیمه‌گن.
کنر ولایتی مرکزی اسدآباد شهری حدودلری ده بیر دلو، افغانستان امریکا حربی کوچلری نینگ سابق بیر ترجمانی طالبان قییناق‌لری آستیده جان بیرگن.
ایتیش کېره‌ک که طالبان قدرت نی قولگه آلگنلریدن بیری هردایم خلق‌ارا نهادلر تامانیدن انسان حقلرینی نقض قیلیش گه عیبلنگن، بیراق بو گروه بو ادعالرنی هردایم رد قیلیب کیلگن.
