غزنیده خلق تامانیدن ۲۰ میلیون افغانی مبلغ عوضیگه بیر مکتب قوریلدی
۸صبح، غزنی: غزنیدهگی محلی منبعلر اوشبو ولایتنینگ جاغوری تومنیده خلق تامانیدن ۲۰ میلیون افغانی مبلغ عوضیگه بیر مکتب قوریلگنینی معلوم قیلدی.
اوشبو منبعلر سهشنبه، ۱۷-سنبله کونی ۸صبح گزېتهسیگه معلوم قیلیشیچه، غزنی ولایتینینگ جاغوری تومنیدهگی «چهلباغتوی پشی» قیشلاغی اهالیسی جهازلنگن و زمانهوی طلبلرگه جواب بېرهدیگن مکتب بناسینی قورگن.
منبعلر معلوماتیگه کۉره، اوشبو مکتب بناسی اوچ قبت قیلیب قوریلگن بۉلیب، ۳۰ ته اۉقوو خانهسی و باشقه قۉشیمچه بنالرگه اېگه. او بیر وقتنینگ اۉزیده کمیده مینگ نفر اۉقووچی اوچون تعلیم آلیش امکانیتینی یرهتگن.
بوندن آلدین هم غزنی ولایتینینگ جاغوری تومنی اهالیسی اوشبو تومننینگ تورلی حدودلریده اۉز مبلغلری حسابیدن بیر نېچه مکتب قورگن.
بو حالت طالبان گروهی قَیته حاکمیتگه کېلگنیدن سۉنگ آلتینچی صنفدن یوقاری صنفلرده اۉقیدیگن قیزلر تعلیم و تحصیلدن محروم قیلینگن، مملکتنینگ تورلی حدودلریدهگی یوزلب مکتبلر اېسه بناسیز و تېگیشلی تعلیم محیطیسیز تشلب قۉییلگن بیر پیتده یوز بېرماقده.
