آغاخان جمغرمه‌سی یاردمیده پروان ولایتیده سوو تأمیناتی ترماغی فایده‌لنیشگه تاپشیریلدی
۸صبح، کابل: طالبان پروان ولایتی‌نینگ سیاه‌گرد غوربند اولسواللیگیده آغاخان جمغرمه‌سی یاردمیده قوریلگن سوو تأمیناتی ترماغی قوریلیشی یکونلنیب، فایده‌لنیشگه تاپشیریلگنینی معلوم قیلدی.
طالبان نظارتیده‌گی باختر اخبارات آژانسی پنج‌شنبه کونی، ۸ اسد، اوشبو سوو تأمیناتی ترماغی سیاه‌گرد غوربند اولسواللیگی عثمان غنی قیشلاغیده برپا اېتیلگنینی خبر قیلدی.
حساباتگه کۉره، مذکور ترماقنی قوریش قیمتی ۴،۴ میلیون افغانی بۉلیب، لایحه آغاخان جمغرمه‌سی‌نینگ مالیوی یاردمیده عملگه آشیریلگن.
طالبان‌نینگ پروان ولایتی قیشلاقلرنی قیته تیکلش و رواجلنتیریش باشقرمه‌سی مسؤوللری اوشبو لایحه یکونلنگچ، حدودده‌گی ۲۳۲ ته عایله تازه ایچیملیک سووی بیلن تأمینلنگنینی اَیتدی.
شو بیلن بیرگه، تازه ایچیملیک سوویگه ایریشیش امکانیتی هنوز افغانستاندهگی اساسی معمالردن بیری بۉلیب قالماقده.
کۉپلب عایله‌لر، اینیقسه قیشلاق حدودلریده، خوفسیز ایچیملیک سووی منبعلریدن یېترلی درجه‌ده فایده‌لنه آلمه‌یپتی. سوو تأمیناتی آست-قورمه‌لر‌نینگ یېتیشمسلیگی، اقتصادی معمالر و قورغاقچیلیک اوشبو وضعیتگه تأثیر اېته‌یاتگن اساسی عامللر صفتیده قید اېتیلماقده.
