افغانستان تاشلری صادراتی امریکاگه باشلنیشی؛ هرات‌دن ۱۰۰ مینگ دالرلیک یوک جۉنه‌تیلدی
۸صبح، هرات: افغانستان‌نینگ ۱۰۰ مینگ امریکا دالری قیمتیده‌گی بیرینچی تاش یوکلمه‌سی هرات‌دن امریکا قۉشمه ایالتلریگه جۉنه‌تیلدی.
هراتده طالبان ولایتی حاکمی‌نینگ مطبوعات خدمتی، چهارشنبه کونی، ۷-اسد، اوشبو یوکلمه بو ولایت‌نینگ زنده‌جان اولسواللیگی کانیدن قزیب آلینگن قاره تاشدن عبارت بۉلیب، خصوصی کمپنی تامانیدن امریکاگه یوباریلگنینی معلوم قیلدی.
مذکور اداره معلوماتیگه کۉره، اوشبو یوکلمه هرات صناعت اتاقی آرقه‌لی امریکا بازاریگه یوباریلگن.
هرات ولایتی افغانستانده قوریلیش تاشلرینی قزیب آلیش و قَیته ایشلش‌نینگ مهم مرکزلریدن بیری بۉلیب، مملکت‌نینگ مینیرال محصولاتلری اصادراتی‌نینگ بیر قِسمی عیناً اوشبو ولایتدن عملگه آشیریله‌دی.
افغانستان‌نینگ امریکاگه بیرینچی تاش یوکلمه‌سی یوباریلیشی اوشبو محصولاتلر‌نینگ ینگی بازارلرگه کیریب باریشی اوچون هم امکانیت یره‌تیشی ممکن.
