پاکستان‌ده هوا افلاسلیگی؛ بیرینچی مرته لاهورده صنعی یامغیر سیناودن اۉتکزیلدی
پاکستان دولتی هوانینگ حددن تشقری افلاسلنگنی و اونینگ کمه‌یتیریش اوچون لاهور شهریده صنعی یامغیر سیناودن اۉتکزیلگنینی اعلان قیلگن دیر.
الجزیره ۱۶- دسامبر شنبه کونی پنجاب اعلی وزیری محسن نقوی‌گه اساسلب گزارش بېریشیچه، هوا صفتی سۉنگی نېچه وقت ایچیده پاکستان نینگ لاهور شهری جوده یامانلشگن.
اونینگ سۉزلریگه کۉره، پنجاب ایالتی حکومتی هوا صفتینی یخشیلشتیریش مقصدیده بیر نېچه تاکتیک جمله‌دن ایش محللرینی تېزده رخصت قیلیش و مکتبلرنی ایکّی کونگه قیسقرتیریلگن، لېکن بو چاره تدبیر ایجابی نتیجه بېرمه‌گن.
شونینگدېک هوا افلاسلیگی نینگ خوفلی سطحیگه قرشی کوره‌ش مقصدیده شنبه کونی بیرینچی مرته صنعی یامغیر سیناودن اۉتکزیلگن دېگن.
پاکستانلیک بو رسمی نینگ ایتیشیچه، صنعی یامغیر ۱۵ کیلو متبر شعاع گه نظرده توتیلگن اېدی و بونینگ جریانیده کمیده لاهورنینگ اۉن شهریده شیبّاد یاققن.
محسن نقوی نینگ تاکیدلب ایتیشیچه، بو صنعی یامغیر بیرلشگن عرب امیرلیگی نینگ یاردمی بیلن سیناودن اۉتکزیلگن و او مملکت نینگ متخصص بیر تیمی اۉتگن ایکّی هفته‌ده لاهور شهریده لایحه‌نی کوتگنلر.
حساباتگه کۉره، متخصصلر بولوتلرنی اوروغلنتیریش اوچون ۴۸ ته مخصوص شراره‌نی جایلشتیرگن.
ایتیش کېره‌ک که پاکستان دنیا بۉیلب بیر فایز کاربن گازلرینی ترقه‌تیش مسوولی اېکنی ایتیله‌دی.
عین حالده، اوشبو مملکت آب و هوا برابریده دنیا بۉیلب زیان کۉروچی ۱۰ مملکت‌دن سیره‌سیگه کیره‌دی.
