چقماق سمنگانده بیر کیشی نینگ جانینی آلدی
۸صبح، کابل: سمنگانده طالبان محلی مسووللری خبر بېریشلریچه، ایبک شهریده بیر یاش اېرکک چقماق اوریشی عاقبتیده جان بېرگن.
سمنگانده طالبان خوفسیزلیک قومندانلیگی سۉزلاوچیسی حشمت‌الله رحمانی، دوشنبه کونی، ۱۴ ثور، بو حادثه اۉتگن کېچه ایبک شهریگه قره‌شلی «منغر کلان» قیشلاغیده یوز بېرگنینی معلوم قیلگن.
طالبان نینگ معلوم قیلیشیچه، احمد جاوید اسملی بو اېرکک ۲۵ یاشده بۉلگن.
بوندن آلدین، ننگرهار ولایتیده هم چقماق اوریشی عاقبتیده بیر کیشی نینگ جان بېرگنی خبر قیلینگن اېدی.
سۉنگگی هفته‌لرده کوچلی یامغیرلر، ویرانکار تاشقینلر و کوچلی چقماقلر تورلی ولایتلرده آدملر آره‌سیده تلفاتلرگه سبب بۉلیب، کتّه مادّی ضرر یېتکزگن.
