جهان ساغلیقنی سقلش تشکیلاتی: افغانستانده یاغینگرچیلیک و سوو تاشقینلری ۱۰ ته ساغلیق مرکزی نینگ فعالیتینی تۉخته‌تگن
۸صبح، کابل: جهان ساغلیقنی سقلش تشکیلاتی خبر بېریشیچه، افغانستانده یاغینگرچیلیک و تۉستدن یوز بېرگن سوو تاشقینلری ۱۰ ته ساغلیق مرکزی نینگ فعالیتینی تۉخته‌تگن.
اوشبو تشکیلات شنبه کونی، ۲۹- حمل، جاری ییل مارچ آیی بۉییچه اۉز حساباتینی ترقه‌تگن.
تشکیلاتگه کۉره، یامغیر و سوو تاشقینلری عاقبتیده ۹۱ کیشی اۉلیب و ۲۹۷ کیشی یره‌لنگن.
شونینگدېک، بو دورده ۴ مینگ ۶۸۰ عایله کۉچیریلگن.
حساباتگه قۉشیمچه قیلینیشیچه، مارچ آییده اۉپکه شماللشی کسللیگی عاقبتیده ۱۹۸ کیشی وفات اېتگن، بو فبروری آییده‌گی ۳۱۳ حالتگه نسبتاً کمه‌یگن.
بوندن تشقری، مارچ آییده قیزه‌میق کسللیگی سببلی ۱۱ کیشی وفات اېتگن، فبروری آییده اېسه ۱۶ کیشی وفات اېتگن بۉلیب، بو تخمیناً ۸۰ فایزلیک کمه‌ییشنی کۉرسه‌ته‌دی.
حساباتگه کۉره، جهان ساغلیقنی سقلش تشکیلاتی افغانستان بۉیلب ۲۰۰ دن آرتیق ضرور طبی پاکتلرنی ترقه‌تگن بۉلیب، اولر جمعی ۸۱۰ مینگ ۷۵۰ کیشیگه یېتکزیلگن.
افغانستاندهگی بیرلشگن ملتلر تشکیلاتی اېسه سۉنگگی بیر نېچه کونلیک یامغیر و سوو تاشقینلری عاقبتیده ۷۳ مینگدن آرتیق کیشی ضرر کۉرگنینی معلوم قیلگن.
