تخار-بدخشان یۉلی سوو آقیمی عاقبتیده یاپیلدی

۸صبح، کابل: طالبان نینگ فواید عامه وزیرلیگی معلوم قیلیشیچه، تخار-بدخشان یۉلی سوو تاشقینی آقیمی سببلی یاپیلگن.

وزیرلیک سۉزلاوچیسی اشرف حق‌شناس یک‌شنبه‌ کونی، ۱۳- ثور، ترقه‌تگن بیاناتیده اوشبو یۉل ۱۵ ته نقطه‌ده سوو تاشقینی آقیمی طفیلی تۉسیلیب قالگنینی ایتگن.

اونینگ قۉشیمچه‌ قیلیشیچه، یۉلنی قَیته آچیش بۉییچه‌ حرکتلر باشلنگن.

طالبان اوشبو ولایتلر اهالیسیدن یۉل آچیلگونچه سفردن باش تارتیش‌لرینی سۉره‌گن.