امریکا ایران نینگ اسراییل گه هجوم قیلیش زمانیدن خبرسیزلیگینی بیلدیردی
آق‌سرای ملی خوفسیزلیک کینگش سۉزلاوچیسی جان کربی، ایران اسراییل گه هجوم قیلیش مقصدی و زمانی حقیده امریکا گه هېچ نرسه دیمه‌گنینی معلوم قیلگن.
کربی ۱۵ اپریل، دوشنبه کیچه خبری بیر ییغیلیشده، واشنگتن تهران بیلن اوروش قیلیش آرتیده اېمسلیگیدن ایشانچ بیرگن.
اونینگ کوپه‌یتیریشیچه: «ایران هجوم قیلیش زمانی و مقصدی حقیده بیز گه هېچ قنقه پیام یوللـه‌گن یوق. ایران بیز گه مقصدی حقیده خبر بیرگن‌لیک بیانات‌لر ناتوغری دیر.»
امریکالیک اوشبو رسمی دنیا همجمعیتدن ایران نینگ بو هجومینی قاره‌لشینی اېسته‌گن.
امریکا ملی خوفسیزلیک کینگش سۉزلاوچیسی، اسراییل نینگ ایران گه جواب قیتریش احتمالی حقیده ایتیشیچه، بوتوغریده تل‌آویو قرار قیله‌دی.
کربی نینگ کوپه‌یتیریشیچه: «اسراییل دولتی اۉزی قرار آله‌دی جواب قیتره‌دیمی یوق بیلمه‌یمیز. ایران نینگ شنبه کونگی اۉیوشتیرگن هجومی گه جواب قیتیریش اوچون قنده‌ی قرار قبول قیلیش، اسراییل زمه‌سیگه دیر.»
او ېنه بیربار مملکتی نینگ اسراییل دن حمایت اېتیشی گه تاکید اېتدی.
آق‌سرای ملی خوفسیزلیک کینگش سۉزلاوچیسی، ایران نینگ راکته و پهپادلری یوق قیلینیشی گه اشاره قیلیب ژورنالیست‌لر گه ایتیشیچه: «شنبه کونگی دفاع، اسراییل نینگ حربی لحاظ دن کوچ‌لیگی و اسراییل گه نسبتن ایران نینگ حربی ضعیف‌لیگینی کورستدی.»
کربی گه کوره، امریکا اسراییل بیلن رفح خصوصیده مذاکره‌لری گه دوام بیره‌دی، حاضر ایران گه کوپراق دقت قره‌تیلگن.
عین‌حالده، ایکّی کون آلدین امریکا جمهور باشلیغی جوبایدن اسراییل باش وزیری بنیامین نتانیاهو بیلن تلفونی علاقه‌ده، مملکتی تل‌آویو نینگ ایران گه هجوم قیلیشی گه قرشی‌لیگینی بیلدیرگن اېدی.
اکسیوس بایدن دولتی رسمی‌لریدن نقل قیلیب، بایدن و ییریک مصلحتچیلری ایران و اسراییل آره‌سیده‌گی ماجرا منطقه‌وی اوروش گه اېلنیشیدن خواطرده اېکنلرینی معلوم قیلگن.
