امریکا: طالبان نینگ قوراللی مخالف‌لری کوچلی رهبریت‌سیز و خارجی حمایت بولمه‌یدیلر
۸صبح، کابل: «امریکا ملی خوفسیزلیکّه قرشی کوره‌ش ییللیک تېکشیرووی» اساسیده، طالبان رژیمی افغانستانده اۉز کوچینی مستحکم قیلیب و بو گروه نینگ مخالف کوچلرینی ضعیف قیلگن.
۲۱ حوت، دوشنبه کونی ترقه‌لگن اوشبو گزارش اساسیده، طالبان رژیمی گه قرشی تهدیدلر ضعیف دیر، چونکه «بیر قنچه افغان‌لر طالبان بیلن اۉروش قیلیش و اولر دن قصاص آلیش‌دن چرچه‌گنلر.»
اوشبو گزارش، طالبان نینگ مخالف قوراللی کوچلری «کوچلی رهبریت‌سیز» بولیب و خارجی حمایت بولمسلیگی قید اېتیلگن.
شو بیلن بیرگه، امریکا اطلاعاتی آژانسی نینگ معلوماتی اساسیده، طالبان رژیمی افغانستاندهگی انسانی انقراض و اقتصاد ضعیف‌لنیشی گه اعتبار بیرمه‌یدی و «دینی حکومت ایش‌لرینی عملگه آشیریش گه دوام بیریشی ممکن.»
گزارش ده کېلیشیچه: «طالبان یره‌تگن چېکلاولری، عام حضوریده جزا بیریش، ناراضی‌لیک همایش‌لر گه رخصت بیرمسلیک و مکتب و بیلیم یورت‌لر ایشیگینی قیزلر یوزی گه آچمسلیک حرکت‌لری گه دوام بیریش‌لری ممکن.»
امریکا گه کوره، منطقه قدرت‌لری افغانستان قیینچیلیگی اوشبو مملکت ایچیگه محدود بولیب و طالبان بیلن ایکّی تامانلمه علاقه‌لرینی کېنگه‌یتیریشنی اېسته‌یدیلر.
گزارش اساسیده، منطقه مملکت‌لری طالبان نینگ تن آلیش طلبی گه احتیاط‌کارلیک بیلن عمل قیلیش‌لری ممکن.
امریکا اطلاعاتی آژانسی نینگ گزارشی بیر بولیمیده کیلیشیچه، داعش خراسان بولیمی افغانستانده برچه مملکت‌لر نینگ منفعت‌لرینی نشانگه آلیش بیلن، طالبان رژیمینی ضعیف قیلیش آرتیده دیر.
بوندن آلدین بیرلشگن ملتلر تشکیلاتی باش کاتبی فصلی گزارشیده، طالبان نینگ قوراللی مخالف گروه‌لری اوشبو گروه گه بیر منطقه‌نی نظارت گه آلیش اوچون «هېچ قیینچیلیک» یره‌ته آلمه‌گنینی یازگن اېدی.
