خلق ارا عفو تشکیلاتی پریسا آزاده طالبان آرقلی اوشلب آلینگنیدن خواطرده
۸صبح، کابل: اعتراضچی همده عیاللر بۉییچه حقوق فعالی پریسا آزاده طالبان تامانیدن اوشلب آلینگنیدن ایکّی کون سۉنگ، خلق ارا عفو تشکیلاتی بو حادثه‌گه نسبتن خواطر بیلدیرگن.
مذکور تشکیلات ۲۶ – عقرب جمعه کونی بیر بیانه نشر قیلیب، انسان حقوقلری بۉییچه فعاللر اینیقسه خاتین – قیزلر طالبلر آرقلی اۉز باشیمچه قۉلگه آلینیشیدن قتّیق خواطر بیلدیریشگن.
بیانیه‌ده یازیلیشیچه: «خلق ارا عفو تشکیلاتی پریسا آزاده و باشقه بیر قنچه عیاللر بۉییچه فعاللر جمله‌دن منیژه صدیقی، ژولیا پارسی، ندا پروانی و بیلیم یورتی استادی رسول پارسلرنی ناقانونی حبسگه آلیب آزادلیکدن محروم قیلینگنی اوچون خواطرده.»
بیانیه‌ده تشکیلات اوشبو حقوق فعاللری شرط‌سیز آزاد قیلینیشی باره‌سیده تاکیدله‌گن.
خلق ارا عفو تشکیلاتی طالبلرنینگ آغیر چېکلاولری دوامی و خاتین –قیزلرنینگ ناقانونی سرکوب اېتیلیشی جنسیتی آزار اذیت دېب بو بشریتگه قرشی جنایت حسابنله‌دی دېگن.
شونینگدېک بو تشکیلات طالبلر بو قبیل «جنایتلری تۉغریسیده» خلق ارا قانونلر بۉییچه جوابگرلیککه تارتیلشینی ایسته‌گن.
طالبلر ۲۴عقرب چهارشنبه کونی اعتراضچی عیال پریسا آزاده‌نی کابل شهریده اوشلب آلدی و هنوزگچه اونینگ تقدیری باره‌سیده معلومات قۉلده اېمس.
منبعلرنینگ ۸ صبح کونده‌لیگیگه ایتیشلریچه بیرلشگن ملتر تکشیلاتی‌نینگ خاص گزارشگری ریچاردبنت و یوناما هنوزگچه هم آزاده‌نینگ عایله‌سی بیلن باغله‌نیشگه موفق بۉلمه‌گنلر.
