طالبان خصوصی بیلیم یورتیلردن حقوق، سیاسی بیلیملر و خلق‌ارا مناسبتلر یۉنه‌لیشلرینی آلیب تشله‌ماقده
۸صبح، کابل: طالبان حقوق، سیاسی بیلیملر و خلق‌ارا مناسبتلر یۉنه‌لیشلرینی افغانستان خصوصی بیلیم یورتیلریدن باسقیچمه-باسقیچ آلیب تشلش حقیده بویروق بېرگن.
سه‌شنبه کونی، ۳-سنبله، ۸صبح گزېته‌سیگه یېتیب کېلگن حجت بو بویروق طالبان رهبریت کېنگشیده محاکمه قیلینگن و بو باره‌ده قرار قبول قیلینگنینی کۉرسه‌ته‌دی.
طالبان اوشبو یۉنه‌لیشلرنی آلیب تشلشگه سبب صفتیده خصوصی بیلیم یورتیلر‌نینگ حقوق، سیاسی بیلیملر و خلق‌ارا مناسبتلر فاکولته‌لریده طلبه‌لر قبولی پستلیگی همده بو یۉنه‌لیشلر بیتیرووچیلری اوچون ایش امکانیتلری چېکلنگنینی کېلتیرگن.
اوشبو قرارده خصوصی بیلیم یورتیلردن مذکور یۉنه‌لیشلرنی اۉزگرتیریش اوچون مقابل تکلیفلر تقدیم اېتیش سۉره‌لگن.
شونینگدېک، «طالبان‌نینگ علمی دستورلرنی رواجلنتیریش باشقرمه‌سی» اوشبو یۉنه‌لیشلر اۉرنیگه باشقه مناسب تعلیم یۉنه‌لیشلرینی تکلیف اېتیشگه مسؤول اېتیلگن.
حجتگه کۉره، طلبگارلر سانی کۉپراق و ایش امکانیتلری کېنگراق بۉلگن یۉنه‌لیشلر تکلیف اېتیلیشی کېره‌ک.
اوشبو حجتده طبیات و ستوماتولوژی یۉنه‌لیشلری بو قراردن مستثنا اېکنی قید اېتیلگن.
