خلق‌ارا کېچیریم تشکیلاتی: پاکستان‌نینگ «امید» دوالش مرکزیگه هجومی اوروش جنایتی بۉلیشی ممکن
۸صبح، کابل: خلق‌ارا کېچیریم تشکیلاتی پاکستان‌نینگ کابلده‌گی «امید» معتادلیکنی دوالش مرکزیگه اویوشتیرگن هوا هجومی خلق‌ارا انسانپرورلیک حقوق‌نینگ جدّی بوزیلیشی حسابلنیشینی بیلدیردی.
مذکور تشکیلات چهارشنبه کونی، ۳۱-سرطان، اعلان قیلگن حساباتیده اوشبو هجوم احتمالی اوروش جنایتی صفتیده تېرگاو قیلینیشی کېره‌کلیگینی معلوم قیلدی.
خلق‌ارا کېچیریم تشکیلاتی قۉشیمچه قیلیشیچه، پاکستان اوردوسی‌نینگ اوشبو مرکز حربی مقصدلرده فایده‌لنیلگنی حقیده‌گی دعوالرینی تصدیقلاوچی هېچ قنده‌ی دلیل تاپیلمه‌گن.
تشکیلات تأکیدلشیچه، بو هجومده یوزلب تینچ اهالی جان بېرگن.
پاکستان اۉشه پیتده اوشبو مرکز قورال-یراغ و اۉق-داریلر انباری بۉلگنینی دعوا قیلگن اېدی.
خلق‌ارا کېچیریم تشکیلاتی اۉنلب ویدیولر، صورتلر و صنعی هوش تصویرلرینی اۉرگنیب چیقیب همده گواهلر بیلن صحبتلشگچ، واقعه جاییده قورال، اۉق-دارولر یاکه ایکّینچی پارتلشلر موجودلیگینی تصدیقلاوچی هېچ قنده‌ی دلیل تاپمه‌گن.
تشکیلات قۉشیمچه قیلیشیچه، موجود دلیللر «امید» مرکزی قانونی حربی نشان بۉلمه‌گنینی کۉرسه‌تماقده.
کابلده‌گی «امید» معتادلیکنی دوالش مرکزی تۉرت آی اوّل پاکستان‌نینگ هوا هجومی نشانیگه ایلنگن اېدی. بیرلشگن ملتلر تشکیلاتی معلوماتلریگه کۉره، اوشبو حادثه‌ده ۲۶۹ کیشی جان بېرگن.
