یوناما: افغانستانده تینچ اهالی هلی هم طالبان و پاکستان اۉرته‌سیده‌گی تۉقنه‌شوولرنینگ قربانی بۉلماقده
۸صبح، کابل: بیرلشگن ملتلر تشکیلاتی افغانستاندهگی یاردم هیاتی (یوناما) کابلده‌گی پاکستان هوا هجومیگه جوابا اعلام قیلیشیچه، بوتون افغانستانده تینچ اهالی هلی هم طالبان و پاکستان اۉرته‌سیده‌گی دوام اېته‌یاتگن تۉقنه‌شوولرنینگ ضررینی کۉرماقده.
تشکیلات سه‌شنبه کونی، ۲۶- حوت، خبر بېریشیچه، بو هوا هجومی کابلده‌گی «امید» ناملی معتادلرنی دوالش مرکزیده صادر بۉلگن و یوزلب آدملر یره‌لنگن یا که جان بېرگن.
یوناما قۉشیمچه قیلیشیچه، خلق‌ارا قانونلرگه کۉره، ماجرا تامانلری برچه بیمارلر، جراحتلنگنلر، طبیات خادملری، شفاخانه‌لر و تېز یاردم مو‌ترلریگه حرمت و حمایه کۉرسه‌تیشگه مجبور دیر.
تشکیلات قربانلر عایله‌لریگه تعزیه بیلدیرگن، یره‌لنگنلر اوچون تېزراق ساغه‌ییشنی تیله‌گن و کسلخانه‌لرگه همده تینچ اهالی انشااتلریگه هجوم قیلینیشی تقیقلنگنینی تاکیدله‌گن.
یوناما شونی اېسله‌تگن که ۲۶- فبروریدن آلدینگی واقعه‌لرگچه افغانستانده تۉقنه‌شوولر سبب کمیده ۷۶ تینچ اهالی جان بېرگن و ۲۱۳ کیشی یره‌لنگن.
بیرلشگن ملتلر تشکیلاتی افغانستاندهگی یاردم هیاتی ماجرا تامانلرینی خلق‌ارا قانونلرگه عمل قیلیشگه و تینچ اهالی همده مهم انشااتلرینی حمایه قیلیشگه چقیرگن.
