قوراللنگن هجومچیلر مالی پایتختی و بیر نېچه شهرلریگه هجوم قیلدیلر
خلق‌ارا عاموی اخبارات واسطه‌لری خبر بېریشیچه، قوراللنگن هجومچیلر مالی مملکتی‌نینگ پایتختی باماکو و ینه بیر نېچه شهرلرگه هجوم قیلگن.
اسوشیتدپرس خبریگه کۉره، اوشبو هجوم شنبه کونی، ۲۵- اپریل، باماکو قۉنلغه‌سی یقینیده و شهرنینگ بیر نېچه حدودلریده پارتلشلر و آتیشمه‌لر بیلن بیرگه عملگه آشیریلگن.
مالی اوردوسی بیاناتیده «نامعلوم قوراللنگن ترورچی گروهلر» پایتختده‌گی اَیریم نقطه‌لر و حربی بَزه‌لرنی نشانگه آلگنینی معلوم قیلگن.
اوشبو اداره قۉشیمچه قیلیشیچه، حربی کوچلر حاضرده هجومچیلرنی یۉق قیلیش بیلن بند.
بو افریقا دولتی القاعده و اسلام دولتی گروهی (داعش) بیلن باغلیق گروهلر تامانیدن باشقریله‌یاتگن قۉزغه‌لانلر، شونینگدېک مملکت شمالیده اجره‌لیب چیقیش حرکتی بیلن هم یوزمه-یوز توریبدی.
خبرگه کۉره، مالی‌نینگ باشقه شهرلریده‌گی اهالی هم شنبه تانگیده آتیشمه‌لر و پارتلشلر حقیده خبر بېرگن، بو اېسه قوراللنگن گروهلر تامانیدن موافقلشتیریلگن هجوم احتمالینی کۉرسه‌ته‌دی.
قوراللنگن شخصلر شمالی-شرقده‌گی کیدال شهریگه کیریب، اَیریم محله‌لر اوستیدن نظارتنی قۉلگه آلگن و بو حالت اوردو کوچلری بیلن تۉقنه‌شوولرگه آلیب کېلگن.
