مملکتده سِرلی قتللر نینگ کوپه‌یشی؛ مزارشریف شهری ده بیر کیشی نینگ جسدی تاپیلدی
بلخ ولایتی مرکزی، مزارشریف شهریده‌گی محلی منبعلر بیر کیشی نینگ جسدی تاپیلگنیدن خبر بیره‌دیلر.
بیر بوجی ده ییرلشتیریلگن بیر یاش ییگیت نینگ جسدی ۱۷ حوت، پنچ‌شنبه کونی مزارشریف شهری نینگ سکیزینچی حوزه گه قره‌شلی دشت‌شور منطقه‌سیدن تاپیلگن.
عین‌حالده ابوعلی سینای بلخی حوزه‌وی کسلخانه‌ده ساغلیق بیر منبع، طالبان بیر جسد نی اوشبو کسلخانه گه آلیب کیلگنینی تصدیقله‌یدی.
جسدی تاپیلگن کیشی نینگ کیم‌لیگی و قنده‌ی اۉلدیریلیشی همان نامعلوم.
بلخ ده طالبان بوتوغریده حاضرگچه هېچ نرسه دیمه‌گنلر.
شو بیلن بیرگه، اوشبو شهر ده‌گی منبعلر اسلامی جمعیت حزبی نینگ سابق قوماندان‌لریدن غوث‌الدین غزات نینگ ایناغه‌سی محمدحسین غزات اسملی بیر ییگیت لادرک بولگنیدن خبر بیره‌دیلر.
بو کیشی بیش آی آلدین بلخ ولایتی مرکزی پست‌مزار کوچه‌سیده لادرک بولگن و حاضرگچه اونینگ تقدیری دن هېچ خبر یوق.
سابق حکومت قولشی و طالبان افغانستان گه ایکّینچی مرته قدرت نی آلیشیدن سۉنگ مملکتده جنایی جرم‌لر اېنیقسه سِرلی قتللر و آدم اوغری‌لیک کوپه‌یگن.
