اکسیوس: سعودیه عربستانی مدافعه وزیری امریکا ایران‌گه هجوم قیلمسه، رېژیم ینه‌ده ددیل بۉلیشینی ایتدی
امریکا نینگ اکسیوس نشری تۉرت نفر منبع‌گه ته‌یه‌نیب خبر بېریشیچه، سعودیه عربستانی مدافعه وزیری، شهزاده خالد بن سلمان یاپیق اوچره‌شووده امریکالیک رسمیلرگه، اگر امریکا ایران‌گه قرشی هجوم قیلمسه، ایران رېژیمی ینه‌ده جسارتلی بۉلیب چیقیشینی بیلدیرگن.
اکسیوس، ۳۱- جنوری، شنبه کونی، اۉز منبعلریگه ته‌یه‌نیب، سعودیه مدافعه وزیری، امریکا تامانیدن حربی ضربه بېریلمسلیگی ایران رېژیمینی کوچلیراق و ددیلراق کۉرسه‌تیشی ممکنلیگی حقیده آگاهلنتیرگنینی معلوم قیلدی.
گزارش‌گه کۉره، اوشبو بیاناتلر سعودیه عربستانی ولیعهد شهزاده‌سی، محمد بن سلمان نینگ اولگی موضع‌سیگه ضد کېله‌دی. ولیعهد شهزاده احتمالی هجوم منطقه‌ده‌گی کېسکینلیکنی کوچه‌یتیریشی و خوفسیزلیکنی ایزدن چیقریشینی تأکیدلگن اېدی.
منبع‌لرگه کۉره، عیناً محمد بن سلمان نینگ قرشیلیگی امریکا سابق جمهور رییسی، دونالد ترمپ نینگ ایران‌گه قرشی حربی ضربه‌نی کېچیکتیریشیگه سبب بۉلگن عامللردن بیری بۉلگن.
آلدین، محمد بن سلمان سعودیه عربستانی حدودیدن باشقه دولتلرگه قرشی فایده‌لنیشگه هېچ بیر مملکتگه رخصت بېریلمسلیگینی آچیق ایتگن.
بو بیاناتلر ایران و امریکا اۉرته‌سیده‌گی ترنگلیک کوچه‌ییب باره‌یاتگن بیر پیتده ینگره‌ماقده.
