بریتانیا: غرب روسیه سرمایه‌لرینی مصادره قیلیش ده جسورراق بولیشی کېره‌ک
بریتانیا باش وزیری ریشی سوناک، غرب مملکتلری ۲۰۲۲ ییل ده روسیه نینگ اوکراین گه حربی هجوم قیلیشیدن سۉنگ اوشبو مملکت نینگ موزله‌تیلگن سرمایه‌لرینی مصادره قیلیش ده قاطع و عملی آدیم کوتاریشی کېره‌ک‌لیگینی ایتگن.
سوناک بو موضوع نی روسیه نینگ اوکراین گه هجوم قیلیش ایکّینچی ییللیگی مناسبتی بیلن ۲۴ فبروری، شنبه کیچه، «سندی‌تایمیز» کونده‌لیگی گه ترقه‌لگن مقاله ده بیان قیلگن.
اونینگ کوپه‌یتیریشیچه، اوکراین حاضر هم اوزاقنی اۉره‌دیگن راکته، اوچووچی‌سیز اوچاق‌لر و باشقه یاردم‌لر گه محتاج دیگن.
بریتانیا باش وزیری نینگ کوپه‌یتیریشیچه: «روسیه اوروشی نینگ اقتصادی گه ضربه بیریش و بو مملکت نینگ میلیاردلب سرمایه‌سینی مصادره قیلیش ده جسورراق بولیشی‌میز درکار.»
ایتیش کېره‌ک اروپا اتفاقی، امریکا، جاپان و کانادا ۲۰۲۲ ییل ده روسیه نینگ اوکراین گه حربی هجومیدن سۉنگ بو مملکت مرکزی بانکی نینگ قریب ۳۰۰ میلیارد دالر سرمایه‌سینی موزلتگنلر.
شونینگدیک سوناک واشنگتن دن کی‌یف گه مالی و حربی یاردم‌لری گه دوام بیریشینی طلب قیلگن.
اوشبو مقاله ده کیلیشیچه: «روسیه نینگ اوکراین گه هجومی و یورو آتلانتیک خوفسیزلیگی گه قیلگن ایشینی کم‌سیتمزلیگی‌میز لازم. اولر دن حمایت‌لری گه دوام بیریشنی ایسته‌ی من و بو ایشنی بجریش‌لری گه ایشانه‌من.»
عین‌حالده، بریتانیا مدافعه وزیرلیگی ۲۴ فبروری، شنبه کونی ۲۴۵ میلیون پوند (۳۱۱ میلیون امریکالیک دالر گه تېنگ) اوکراین گه یاردم بیریشینی معلوم قیلگن.
عین‌حالده، اوتگن آی بریتانیا سوداگرلیک وزیری دومینیک جانسون امریکا مالیه وزیری نینگ اۉرین باسری والی آدیمو بیلن روسیه نینگ موزله‌تیلگن سرمایه‌لری حقیده بحث ایتگن اېدیلر.
رویترز نینگ معلوماتی اساسیده، او زمان جانسون خلق‌ارا قاعده‌لر اساسیده بو اقدام بولیشینی معلوم قیلگندی.
صنعتی بویوک ییتّی مملکت (جی ۷) مسکو نینگ اوکراین گه حربی هجومی باعث اوشبو مملکت گه زیان تولش اوله‌راق روسیه سرمایه‌لرینی احتمالی مصادره قیلیشنی تېکشیرماقده‌لر.
