برادر نینگ دعواسی: تهدید سالووچی گروه‌لر و سیاسی مخالف آقیملر یۉق قیلینگن
۸صبح، کابل: طالبان نینگ ریاست الوزرا اقتصادی مسأله‌لر بۉییچه اۉرین‌باسری، ملا عبدالغنی برادر طالبانگه قرشی بۉلگن تهدید سالووچی گروه‌لر و سیاسی مخالف آقیملر یۉق قیلینگنینی دعوا قیلدی.
عبدالغنی برادر بو فکرلرنی، ۱۴- جدی، یکشنبه کونی، قندهار ولایتیده مدرسه اۉقووچیلری نینگ بیتیروو مراسمیده بیلدیرگن.
مذکور طالبان رسمی‌سی سۉنگگی تۉرت ییل دوامیده سیاسی اشتراک کوچیگنینی و اوشبو گروه سیاسی اشتراککه ایشانیشینی ادعا قیلگن.
اونینگ ایتیشیچه، حاضرگی کونده افغانستان اقتصادی و سیاسی جهتدن «کته امکانیت» بۉلیب، هېچ کیم بو امکانیتنی تهدیدگه ایلنتیرمسلیگی لازم.
برادر شونینگدېک شونده‌ی ایتیشیچه: «افغانستانده اۉتمیشگه نسبتاً حاضرگی سیاسی رېژیم ینه‌ده برقرار و موازنتلی طرزده سقلنیب توریبدی؛ حاضرگی رېژیم دایره‌سیده ملی قرارلرگه قرشی بۉلگن موازی سیاسی آقیملر، مخالف یۉنلیشلر و تهدیدلی حرکتلر برهم تاپگن.»
او دنیا و منطقه دولتلرینی طالبان بیلن فعال منطقوی همکارلیکده اشتراک اېتیشگه چقیرگن.
بو اېسه شونده‌ی بیر پیتگه تۉغری کېله‌دیکی، افغانستاندن تشقریده طالبانگه قرشی ایریم حربی و سیاسی آقیملر شکللنگن.
