مملکت نینگ غربی اوچ ولایتیده هلاکتلی سوو تاشقینلری؛ طالبان طبیعی آفتلرنی باشقره آلمه‌یدی
هرات، فراه و بادغیس ولایتلری نینگ یشاوچیلریدن بیرقطاری، سۉنگی کونلرده‌گی کوچلی یامغیر و هلاکتلی سوو تاشقینلری اوشبو ولایتلر یشاوچیلری گه جانی و مالی ضرر یېتکیزگنینی معلوم قیلگنلر. اولر طالبان نی بیکاره‌لیک و طبیعی آفتلرنی باشقره آلمسلیکّه عیبلب ایتیشلریچه، بو گروه جبرلنگنلر بیلن تبعیض‌لی شکلده یانده‌شه‌دیلر.
دستلبکی معلومات‌لر اساسیده، سۉنگی کونلرده‌گی کوچلی یاغینچیلیک و سوو تاشقینلری عاقبتیده فراه، هرات و بادغیس ولایتلریده چمه‌سی ۱۲ کیشی هلاک بولگن. اهالی نینگ معلومات‌لری اساسیده باشقه اونلب باش چاروه تلف بولیب و اونلب یشش اوی و باغ‌لر شامل یوزلب ایکینچیلیک ییر بوزیلگن.
هرات ولایتی پشتون زرغون، اوبه، چشت شریف، کرخ، گذره، فرسی، زاول، پشت‌کوه وادرسکن تومنلری نینگ یشاوچیلریدن بیرقطاری گه کوره، بو تومنلرده سوو تاشقینلری عاقبتیده چمه‌سی ۱۹۰ یشش اوی و ایکّی مینگ ایکینچیلیک ییر بوزیلگن و باشقه مینگلب ثمره‌لی و ثمره‌سیز درخت‌لر یوق بولیب و ۱۰۰ دن آرتیق باش چاروه تلف بولگنلر.
هرات ولایتی چشت شریف تومنی یشاوچیسی محمد صدیق نینگ ۸صبح کونده‌لیگی گه ایتیشیچه: «نیچه ییللیک نرسه‌میز یوق بولدی. بیر ییلدن بیری ثمر گه کیلگن باغی‌میزنی سوو تاشقینی آلیب کیتدی و بو باغ ده ثمره‌لی و ثمره‌سیز درخت‌لر بار اېدی.»
هرات ولایتی پشتون زرغون تومنی یشاوچیسی شریف احمد گه کوره، سوو تاشقینلری ایکینچلیک ییرلرنی بوزگن. او نینگ ۸صبح کونده‌لیگی گه ایتیشیچه: «برچه امیدیمیز شو ۷ جریب ایکینچیلیگ اېدی و یخشی ییل کېلیب یخشی حاصل بیریش گه امید قیلگندیم؛ بیراق سوو تاشقینی برچه نرسه نی یوق قیلدی برچه ایکینمیز سوو آستیگه قالگن کوریب توریب سیز.»
سوو تاشقینلری فراه ولایتی یشاوچیلری گه هم ضرر یېتکیزگن. ۸صبح کونده‌لیگی نینگ معلوماتی اساسیده، مذکور ولایت نینگ پشت‌رود، پرچمن تومنلری و مرکزی ده یوز بیرگن سۉنگی تورت کون ایچیده‌گی سوو تاشقینلری عاقبتیده آلتی کیشی هلاک بولیب و قریب ۱۰ مینگ جریب ایکینچلیک ییر بوزیلگن. بو معلومات‌لر گه کوره، ۱۵۰ یشش اوی بوزیلیب و کمیده اوچ مینگ سولر یوق بولیب و ۳۰۰ باش چاروه تلف بولگن.
فراه ولایتی یشاوچیلریدن محی‌الدین گه کوره، نیچه ییلدن بېری قوروقچیلیکّه چېک قویلیشینی کوتگنلر، بیراق بو ییلده‌گی سوو تاشقینلری باعث کوپ ضرر کوریشگن. اونینگ ایتیشیچه: «یامغیر کوپ یاغیب و ییل یخشی بولیش گه امیدوار اېدیک. ۳۰ جریب ایکینچیلیک ییر یوق بولدی. سوو تاشقینی باعث برچه ایکینلریمیز سوو آستی گه قالدی و یشش اوی‌لریمیز قوله‌دی. سوو تاشقینی باعث برچه نرسه‌لریمیز یوق بولدی.»
فراه ده طالبان نینگ ایتیشلریچه، سوو تاشقینلری مذکور ولایت یشاوچیلری گه مالی ضرر یېتکزگن و اولر سوو تاشقینی و یاغینیچلیک باعث جبرلنگنلر گه همکار موسسه‌لر یاردمی بیلن یاردم کورسه‌تیش گه سعی-حرکت قیلماقده‌لر.
باشقه تاماندن، سۉنگی کونلرده‌گی یاغینچیلیک و سوو تاشقینلری ایکّی باله‌سی بیلن بیر عیال نینگ قربان بولیشی گه قوشیمچه، بادغیس ولایتی تومنلریده مینگلب ایکینچیلیک ییر و باغ‌لر و قریب ۸۵ یشش اوی بوزیلیشی گه سبب بولگن.
قادس تومنی یشاوچیلریدن عبدالبصیر نینگ ۸صبح کونده‌لیگی گه ایتیشیچه، سۉنگی کونلرده‌گی سوو تاشقینی باعث برچه نرسه‌سی یوق بولگن. اونینگ کوپه‌یتیریشیچه: «سوو تاشقینلری باعث ثمر بیره‌دیگن یوزلب درختلی باغی‌میز تامیر دن یوق بولدی. بو ییل یخشی ییل بولگنی اوچون بیش-آلتی جریب ییر گه ایککن ایدیک بو هم یوق بولدی، بو ییرده‌گیلر ایکینچیلیک آرقه‌لی تېریکچیلیک قیله‌دیلر.»
شو بیلن بیرگه طالبان حاکمیتیده طبیعی آفتلرنی باشقریش ایشلری بوییچه دولت وزیرلیگی نینگ ایتیشیچه، افغانستان بویلب سۉنگی کونلرده‌گی سوو تاشقینی عاقبتیده کمیده ۷۰ کیشی هلاک بولیب و باشقه ۵۶ کیشی یره‌لنگن.
اوشبو وزیرلیک نینگ کوپه‌یتیریشیچه، سوو تاشقینلری عاقبتیده ۹۵ مینگ ایکینچیلیک ییر و ایکّی یریم مینگ یشش اوی بوتونلی و قسمی شکلده بوزیلگن. مملکت نینگ تورلی ولایتلریده سۉنگی کونلرده‌گی سوو تاشقینلری باعث ایکّی مینگ دن کوپراق باش چاروه تلف بولگنینی بیلدیرگن، مذکور وزیرلیک.
ایتیش کېره‌ک که یامغیر و سوو تاشقینلری باعث جبرلنگن عایله‌لردن بیرقطاری طالبان نی طبیعی آفتلرنی باشقریش ده بیکاره‌لیک و اعتبارسیزلیکّه عیبله‌یدیلر. اولر گه کوره، بو گروه طبیعی آفتلرنی باشقریشده ییترلیچه بیلیمی یوق و جبرلنگنلر بیلن تبعیض‌لی شکلده یانده‌شه‌دیلر.
