صفت‌سیز تیل توزیع قیلیش؛ میلک بندری ده افغان هیداوچیلری ایش اعتصابی قیلگنلر
نیمروز ده‌گی محلی منبعلر، ایران حکومتی طالبان تامانیدن قیتریلگن صفت‌سیز تیل و گاز نی قیته دن افغان هیداوچیلری گه توزیع قیلیشنی ادعا قیله‌دیلر.
منبعلر ۵ حوت شنبه کونی ۸صبح کونده‌لیگی گه ایتیشلریچه، اوشبو قرار آرتیدن اونلب افغان هیداوچیسی اوچ کوندن بیری «میلک» بندری ده ایش اعتصابی قیلگنلر.
منبعلر گه کوره، طالبان و ایران رسمی‌لری نینگ ینگی کیلیشووی دن سۉنگ بونده‌ی قرار قیلینگن.
طالبان افغان هیداوچیلری گه تېزلیک بیلن ایش اعتصاب‌لری گه چېک قوییش‌لریدن آگاه‌لنتیرگن دیدی منبعلر.
طالبان و ایران رسمی‌لری بوتوغریده حاضرگچه فکر-ملاحظه بیلدیرمه‌گن.
سۉنگی کون‌لرده طالبان اونلب صفت‌سیز تیل تانکرینی فراه و نیمروز چېگره‌لریدن اوشبو مملکت گه قیترگنلر.
اونلب سوداگرلر و یوک تاشووچی موتر هیداوچیلری بوندن آلدین اسلام‌قلعه بندری ده ایران هیداوچیلری تامانیدن یوکلش نوبتی رعایت بولمسلیگی گه دایر طالبان نینگ دقت‌سیزلیگی اوچون ایش اعتصابی قیلگن اېدیلر.
