کابلده‌گی ینگی تشکیل اېتیلگن سرطان شفاخانه‌سی شفاکارلری طالبان نینگ مناسبتی سبب اعتصاب قیلدی
۸صبح، کابل: منبعلر نینگ معلوم قیلیشیچه، کابلده ینگی آچیلگن سرطان کسللیکلری شفاخانه‌سی شفاکارلری طالبان نینگ قۉپال مناسبتی همده بیر شفاکارگه پیچاق بیلن هجوم قیلینگنیدن سۉنگ ایش تشلش باشله‌گن.
منبعلر، ۱۸- دلو، شنبه کونی بیلدیرگنیدېک، بېمار کوزه‌تووچیسی «سرطان کسللیکلرینی تشخیصلش و دوالش ملی شفاخانه‌سی» نینگ «انکولوژی» بۉلیمیده شفاکارگه پیچاق بیلن هجوم قیلگن.
منبعلرگه کۉره، شفاکار آغیر یره‌لنگن و ایمرجنسی شفاخانه‌سیگه کۉچیریلگن.
منبعلر هجوم قیلگن شخص قۉلگه آلینمه‌گنینی قید اېتگن.
شونینگدېک، منبعلر اوشبو شفاخانه شفاکارلری هر کونی مؤسسه دروازه‌سی قۉریقچیلری تامانیدن حرمتسیزلیککه اوچره‌یاتگنینی تأکیدلماقده.
قید اېتیلیشیچه، «سرطان کسللیکلرینی تشخیصلش و دوالش ملی شفاخانه‌سی» تخمیناً بیر هفته آلدین کابلده آچیلگن اېدی.
