اۉتگن تۉرت کون ایچیده فاریابده ایکّی قیز اۉلدیریلگن و بیر خاتین یره‌لنگن
۸صبح، فاریاب: فاریابده محلی منبعلر ایکّی ایری حادثه نتیجه‌سیده بو ولایتده اۉتگن تۉرت کون ایچیده ایکّی قیز اۉلدیریلگن و باشقه بیر خاتین یره‌لنتیریلگن دېب ایته‌دیلر.
محلی منبع فاریاب ولایتی نینگ گرزیوان اولسواللیگیده ۳- عقرب چهارشنبه کونی اېرته‌لب زیباگل ناملی بیر قیز اکه‌سی آرقلی اۉلدیرگن دېدیلر.
اوشبو حادثه مذکور اولسواللیک نینگ قزاق قیشلاغیده یوز بېرگن دېدی بیز بیلن باغلنگن منبع.
۱۸یاشر زیباگل اکه‌سی تامانیدن یشش اوییده رومال بیلن بۉغیب اۉلدیریلگن و قاتل اېسه حادثه یېریدن قاچیب کېتگن.
اوشبو یاش قیزنینگ نیمه اوچون اۉلدیریلگنی معلوم اېمس، فاریابده طالبان امنیتی رسمیلری بو حقده تېرگاو باشلنگن دېب ایتگنلر.
عین حالده، باشقه بیر واقعه‌ده ناتانیش قوراللی کیشیلر فاریاب ولایتی چهلگزی اولسواللیگیده بیر یاش قیزنی اۉلدیریب آنه‌سینی یره‌لنتیرگن.
فاریاب ولایتی چهلگزی اولسواللیگیگه قره‌شلی چهارشنبه منطقه‌سیده بیوه آنه‌سی بیلن بیرگه یشه‌یدیگن اوشبو قیز جمعه کونی اوییده اۉلدیریب کېتیلگن.
طالبلر بو حادثه‌نی تصدیقلب بیر خبرنامه نشر قیلیب ایتیشیچه، ناتانیش قوراللی شخصلر چهارشنبه منطقه‌سیده اوشبو آنه‌لیک قیزنی اویگه کیریب قتل اېتگنلر.
حادثه نینگ عامللری حلیگچه طالبلر تامانیدن اوشلب آلینگنیچه یۉق.
عین حالده، محلی منبعلرنینگ بېرگن معلوماتلریده ایکّی هفته ایچیده فاریابده ۱۰ته قتل یوز بېرگن اولردن تۉرته‌سی خاتینلر بۉلگن.
