پروان ولایتیده اوی تامی نینگ قوله‌شی عاقبتیده بیر عایله‌‌نینگ سکّیز اعضاسی جان بېردی
۸صبح، کابل: طالبان نظارتی آستیده‌گی عامه‌وی اخبارات واسطه‌لری خبر بېریشیچه، پروان ولایتیده اوی تامی نینگ قوله‌شی عاقبتیده بیر عایله نینگ سکّیز اعضاسی اۉلیب و ینه بیر کیشی یره‌لنگن.
طالبان نظارتی آستیده‌گی باختر اخبارات آژانسی، شنبه کونی، ۲۲- حمل، خبر بېریشیچه، بو حادثه اۉتگن کېچه سیاه‌گرد تومنی نینگ «بغندک دره خیشکو» قیشلاغیده یوز بېرگن.
خبرگه کۉره، قربانلر آره‌سیده عیاللر و باله‌لر هم بار.
اۉتگن هفته کابل نینگ بگرامی حدودیده زلزله عاقبتیده بیر عایله نینگ سکّیز اعضاسی جان بېرگن اېدی.
شونینگدېک، اۉتگن هفته کابل نینگ دشت‌برچی حدودیده بیر اوی تامی نینگ قوله‌شی عاقبتیده تۉرت نفر عایله اعضاسی جان بېرگن اېدی.
طالبان نینگ ایتیشیچه، سۉنگّی ایکّی هفته‌دن کۉپراق وقت ایچیده یامغیر، سوو تاشقینی، زلزله و چقماق کبی طبیعی آفتلر نتیجه‌سیده ۱۵۰ دن آرتیق آدم حیاتدن کۉز یومگن.
