عراق ده حربی بیر پایگاه ده پارتلش؛ بیر کیشی هلاک بولیب و سکیز کیشی یره‌لندی
عراق یېتکرمه‌لری نینگ گزارشی گه کوره، بغداد شهری جنوبی ده حربی بیر پایگاه هوا هجومی آرقه‌لی نشانگه آلینیب و بیر قطار کیشیلر نینگ اۉلیب و یره‌لنیشی گه سبب بولگن.
بو هجوم ۲۰ اپریل، شنبه کونی بامداد چاغی بغداد جنوبیده اسکندریه شهری یقینی ۵۰ کیلومترلیگیده جایلشگن حشد شعبی گروهی گه منسوب کالسو حربی پایگاه ده اۉیوشتیریلگن.
عراق اردوسی اوشبو هجوم نی تصدیقلب، حشد شعبی گروهی نینگ بیر اعضاسی هلاک بولیب و باشقه سکیز کیشی یره‌لنگنینی بیلدیرگن.
عراق اردوسی پارتلشدن آلدین بابل منطقه‌سی آسمانیده اوچووچیسیز اوچاق یا که جنگری اوچاق کوریلمه‌گنینی اېتگنلر.
بو پارتلش جانی تلفات گه قوشیمچه، مذکور حربی پایگاه ده مالی ضرر یېتکیزگن.
اوشبو هجوم مسوولیتینی حاضرگچه هېچ کیم تن آلمه‌گن و اسراییل خوفسیزلیک بیر مقامی سی‌ان‌ان بیلن اۉتکزگن صحبتیده هجومده قوللری بارلیگنی رد قیلگن.
بوندن آلدین عراق ده ایران حمایت قیله‌دیگن حشد شعبی گروهی نینگ نیچه پایگاه‌سی امریکا و اسراییل تامانیدن نشانگه آلینگن.
حشد شعبی گروهی نینگ عراق ده ۱۰۰ مینگ دن آرتیق فعال جنگری‌سی بار.
