بغدادده بیر نېچه پارتلش سېسی اېشیتیلدی
خلق‌ارا عامه‌وی اخبارات واسطه‌لری عراق پایتختی بغدادده بیر نېچه پارتلش سېسی اېشیتیلگنینی خبر قیلیشدی.
الجزیره دوشنبه تانگیده، ۳۰-مارچ، اوشبو پارتلشلر تاووشی امریکانینگ «ویکتوری» بزه‌سیدن اېشیتیلگنینی خبر قیلدی.
اوشبو خبرگه کۉره، بَزه‌گه راکت هجومی قیلینگن.
خبرده ایتیلیشیچه، هوا مدافعه تیزیملری راکت‌لرنی کوزه‌ته آلمه‌گن.
الجزیره قۉشیمچه قیلیشیچه، بیرته راکت عراق ترانسپورت اوچاقیگه اوریلگن.
بو «ویکتوری» امریکا بَزه‌سی بیرینچی مرته نشانگه آلینگن بۉلسه-ده، بزه نینگ اوّلدن بۉشه‌تیلگنی ایتیلگن.
خبرده هجومنی کیم عملگه آشیرگنی کۉرسه‌تیلمه‌گن، اما بوندن آلدین ایران تامانیدن قۉللب-قوّتلنگن گروهلر بغدادده‌گی امریکا اېلچیخانه‌سینی بیر نېچه مرته نشانگه آلگن اېدی.
