سعودی عربستان عراق تاماندن اوچیریلگن اوچته اوچووچیسیز اوچاق اوریب توشیریلگنینی معلوم قیلدی
سعودی عربستان مدافعه وزیرلیگی اوشبو مملکت هوا حدودیگه کیرگنیدن سۉنگ اوچته اوچووچیسیز اوچاق توتیب آلینیب، یۉق قیلینگنینی معلوم قیلدی.
سعودی عربستان مدافعه وزیرلیگی سۉزلاوچیسی تورکی المالکی، یک‌شنبه، ۱۷ می، اوشبو اوچاقلر بوگون اېرته‌لب عراق حدودیدن اوچیریلگنینی و سعودی عربستان حدودی ایچیده‌گی احتمالی نشانلرگه یېتیب باریشیدن آلدین اوشبو مملکت مدافعه کوچلری تامانیدن یۉق قیلینگنینی ایتگن.
سعودی عربستان مدافعه وزیرلیگی بیاناتیده ایتیلیشیچه، اوشبو مملکت «تېگیشلی وقت و جایده جواب قَیتریش حقوقینی اۉزیده سقلب قاله‌دی» همده اۉز حاکمیتی، خوفسیزلیگی و اهالی همده یشاوچیلری نینگ حیاتیگه تهدید سالیشگه قره‌تیلگن هر قنده‌ی اورینیشلرگه قرشی برچه ضرور عملیاتی چاره‌لرنی عملگه آشیره‌دی.
