طالبلر اسکات اسمیت تیلیدن: یوناما چېکلاولر و تۉسیقلرنی کوتره‌دی
۸صبح، کابل: طالبان نینگ ایتیشیچه، بو گروه نینگ ریاست الوزراء سیاسی اۉرین باسرلیگی نینگ عمومی دفتر باشلیغی مولوی ذاکر کابل‌ده بیرلشگن ملتلر تشکیلاتی نینگ معاونت هیاتی (یوناما) سیاسی بۉلیمی مسوولی سکات اسمیت بیلن اوچره‌شگن.
ارگ صحیفه‌سی ۲۹- عقرب دوشنبه کونی ایکس اجتماعی ترماغیده بو اوچره‌شوو حقیده خبر بېریب، اوچره‌شووده یوناما، مذکور تشکیلات مثبت تعامل اساسیده بو گروه یۉلی اوستیده چېکلاولر همده تۉسیقلرنی کۉتره‌دی دېب ایتگن.
طالبلر یونامانینگ بو بلند مرتبه‌لی رسمیلریگه اساسلب یازیشیچه، تېزلیکده بیرلشگن ملتلر تشکیلاتی نینگ ابتکاری بیلن افغانستان تۉغریسیده ییغین اۉتکزیله‌دی و بونینگ مهم بۉلیمی طالبان بیلن باغلیق موضوعگه عاید دیر.
اۉلتیریشده سۉنگی وقتلرده مملکتده یوز بېرگن طبیعی حادثه‌لر و اهالیگه انسان‌پرورلیک یاردملر میزانی آشیریلیشی باره‌سیده هم تاکیدلنگن.
طالبان ریاست الوزراءگه تېگیشلی صفحیه نینگ یازیشیچه، اسمیت طالبان نینگ اقتصاد بۉییچه بجرگن ایشلری و قشاقلیک کمه‌یشیده‌گی فعالیتینی آلقیشله‌گن.
کابل‌ده بیرلشگن ملتلر تکشیلاتی نینگ معاونت هیاتی (یوناما) هنوزگچه بو باره بیرار نرسه دېمه‌گن.
بوندن آلدین هم طالبلر بیرلشگن ملتلر تشکیلاتی نینگ بلند مرتبلی رسمیلریگه اساسلب بعضی گپلرنی یازیب نشر قیلگن اېدی و بولرنینگ کمیده هیچ بیری هنوزگچه تۉگلیشلی اداره‌لر تامانیدن تصدیقلنمه‌گن.
بونینگ یانیده، یوناما افغانستاندهگی خلق ارا اداره‌لردن بیری صفتیده طالبان بیلن تعامل قیلیش مساله‌سی هر دایم مملکت یشاووچیلری آرقلی تنقید آستیگه آلینگن.
