ملی مقاومت جبهه‌سی کابل ده طالبان نینگ ایکّی جنگری‌سی اۉلدیریلگنیدن خبر بیردی
افغانستان ملی مقاومت جبهه‌سی، کوچلری کابل شهری ییتّینچی حوزه حدودلری ده طالبان نینگ بیر قرارگاهی گه هجوم قیلگنلریدن خبر بیرگن.
بو هجوم ۱۴ دلو، شنبه کیچه، ساعت ۱۰:۱۵ اطرافی ده کابل شهری ییتّینچی حوزه حدودلری گه قره‌شلی «برشناکوت» منطقه‌سیده یۉز بیرگن.
ملی مقاومت جبهه‌سی نینگ بیانیه‌سی اساسیده، بو هجوم عاقبتیده طالبان ایکّی جنگری‌سی اۉلیب و باشقه ایکّیته‌سی یره‌لنگن.
مذکور جبهه گه کوره، اوشبو هجوم ده «طالبان حربی واسطه‌لرینی تعمیرلش ایشخانه»سی بوزیلگن.
طالبان بوتوغریده حاضرگچه فکر-ملاحظه بیلدیرمه‌گن.
ایتیش کېره‌ک افغانستان اېرکین‌لیک جبهه‌سی ۹ دلو، دوشنبه کیچه، کابل شهری تورتینچی حوزه حدودلری گه قره‌شلی طالبان نینگ تورت جنگری‌سی اۉلدیریلگنینی ادعا قیلگندی.
