بېش ییل قوله‌گندن سۉنگ؛ هرات اهالیسی طالبان چېکلاولری‌نینگ کوچه‌ییشیدن شکایت قیلماقده
۸صبح، هرات: هرات‌نینگ طالبان قۉلیگه اۉتگنیگه بېش ییل تۉلیشی مناسبتی بیلن اوشبو ولایت‌نینگ بیر قطار اهالیسی ایشسیزلیک، عیاللرگه نسبتاً جاری اېتیلگن چېکلاولر، قیزلر‌نینگ تعلیم آلیشینی تقیقلش همده قشّاقلیک و ناچارلیک‌نینگ کوچه‌ییشینی بو ییللر دوامیده یوزه‌گه کېلگن اېنگ مهم معمالر صفتیده تأکیدله‌ماقده.
منبعلر چهارشنبه کونی، ۲۱-اسد کونی، ۸صبح گزېته‌سیگه بېرگن صحبتلریده هرات‌نینگ قوله‌گنی اولر اوچون هنوز اوروش و قۉرقوو‌نینگ اچّیق خاطره‌لری بیلن باغلیقلیگینی و اونینگ عاقبتلری بېش ییل اۉتگنیدن کېین هم آدملر حیاتیگه سلبی تأثیر کۉرسه‌ته‌یاتگنینی اَیتدی.
اولر‌نینگ اَیتیشیچه، سۉنگگی بېش ییل دوامیده بو ولایتده قطعی چاره‌لر و چېکلاولر هر ییلی ینه‌ده کوچه‌یگن و آدملر‌نینگ عادتی حیات کېچیریشی اوچون شرایط استه-سېکین یۉقالگن.
هرات‌نینگ اَیریم اهالیسی، شونینگدېک، حتا عیاللر کیینیش طرزلری سببلی حبسگه آلینیشی و قتّیق مناسبتگه دوچ کېلیشینی، اولرنی آزاد قیلیش اوچون عایله‌لر کتّه مقدارده پول تۉله‌شگه مجبور بۉله‌یاتگنینی قۉشیمچه قیلدی.
طالبان‌نینگ سۉنگگی بېش ییلده‌گی آغیر مناسبتی خلق آره‌سیده جدّی خواطرلرنی یوزه‌گه کېلتیرگن. اولر مملکت وطنداشلری‌نینگ شخصی و اجتماعی اېرکینلیکلرینی چېکلش اولر‌نینگ اساسی حقوقلرینی بوزیش اېکنینی اَیتماقده.
