بادغیس ده سوو تاشقینی؛ بیر کیشی هلاک بولیب و ۱۰۰ دن آرتیق یشش اوی بوزیلگن
۸صبح، بادغیس: بادغیس ده‌گی محلی منبعلر نینگ ایتیشلریچه، اوشبو ولایتده کوچلی یامغیر یاغیشی طفیلی سوو تاشقینی یوز بیریب و محل یشاوچیلری گه مالی زیان یېتکیزگن.
منبعلر ۸صبح کونده‌لیگی گه ایتیشلریچه، ۱ حمل، چهارشنبه کیچه قلعه‌نو شهری و دره‌بوم تومنیده کوچلی یامغیر یاغیشی سوو تاشقینی یوز بیریشی گه سبب بولگن.
منبعلر گه کوره، دره‌بوم تومنیده سوو تاشقینی عاقبتیده بیر کېکسه کیشی هلاک بولگن.
شونینگدیک اوشبو طبیعی واقعه طفیلی چمه‌سی ۱۰۰ یشش اوی و بیر مینگ دن آرتیق ایکینچیلیک ییر بوزیلگن.
طالبان بوتوغریده حاضرگچه فکر-ملاحظه بیلدیرمه‌گن.
ایتیش کېره‌ک که اۉتگن کیچه بادغیس ولایتی قادس تومنیده حامله‌دار بیر عیال چقماق اۉروشی عاقبتیده هلاک بولیب و قیزی یره‌لنگن.
