قندهارده اوی تامی‌نینگ قوله‌شیدن تۉرت کیشی هلاک بۉلدی
۸صبح، کابل: قندهار ولایتیده‌گی طالبان محلی مسووللری، بیر اوی نینگ تامی قوله‌ب توشیشی عاقبتیده تۉرت نفر شخص حیاتدن کۉز یومگنینی معلوم قیلدی.
طالبان نینگ طبیعی آفت‌لر بیلن کوره‌شیش باشقرمسی رییسی، عبدالسلام عمری، ۱۱- دلو، شنبه کونی، عاموی اخبارات واسطه لرگه بېرگن معلوماتیده اوشبو حادثه دامان تومنیده صادر بۉلگنینی ایتدی.
اونینگ تأکیدلشیچه، قربان‌لر آره‌سیده باله‌لر هم بار.
بیر هفته آلدین، ننگرهار ولایتیده هم اوی تامی نینگ قوله‌شیدن یېتی نفر کیشی هلاک بۉلگنی حقیده خبر بېریلگن اېدی.
طالبان معلوماتیگه کۉره، مملکتده سۉنگگی یاغینگرچیلیکلر عاقبتیده ۶۰ نفردن آرتیق فقرا حیاتینی یۉقاتگن.
