گوترش: هنوزگچه غزه‌ده همکارلریمیزدن ۱۳۶ کیشی اۉلدیریلگن
بیرلشگن ملتلر تشکیلاتی نینگ باش کاتبی انتونیو گوترش هنوزگچه غزه‌ده بو تشکیلات نینگ ۱۳۶ ایشلاوچیسی اۉلدیریلگنینی تیلگه آلدی.
گوترش ۲۳- دسامبر شنبه کونی ایکس ترماغیده بیر پیام نشر قیلیب، بو خادملر ۷۵ کون ایچیده اۉز جانلرینی قۉلدن بېرگنلر دېگن.
اونینگ ایتیشیچه: «غزه ده ۱۳۶ کیشی همکاریمیز ۷۵ کون ایچیده اۉلدیریگنلر، بو اېسه هنوزگچه بیرلشگن ملتلر تشکیلاتی نینگ تاریخیده سابقه‌سی بۉلمه‌گن»
اۉز جانلرینی خوف آستیگه قۉییب غزه‌ده تینچ اهالینی حمایت قیلیشگه اولگورگن بیرلشگن ملتلر تشکیلاتی نینگ بو خادملریگه چوقور حرمت کۉرسه‌تیشنی ایتگن.
عین حالده، گوترش نینگ تاکیدلب ایتیشیچه،: «بو هجوملرده اسراییل قۉللیدیگن شیوه، غزه ایچیده انسان پرورلیک یاردملرنی ترقه‌تیش جریانیگه جدی تۉسیق یره‌تگن دیر.»
غزه‌ده ثمره‌لی یاردملرنی یېتکزیب بېریش خوفسیزلیکنی طلب قیله‌دی دېگن گوترش.
گزارشلرگه قره‌گنده، سۉنگی ایکّی آی ایچیده حماس و اسراییل اۉرته‌سیده دوام اېتگن توقنشووللرده هنوزگچه ۲۰ مینگ فلسطینلیک اۉلدیریلگن.
میلادی جاری ییل نینگ ۷ اکتوبریده هر ایکّی تامان اۉرته‌سیده باشلنگن اوروش هنوزگچه هم دوام اېته‌یپتی.
