امسو، پاکستان‌ده یشاوچی افغان ژورنالیستلرینی حمایه قیلیش اوچون زودلیک بیلن یاردم سۉردی
۸صبح، کابل:افغانستان عاموی اخبارات واسطه‌لرینی قۉللب-قوتلش تشکیلاتی (AMSO) بیرلشگن ملتلر تشکیلاتی و انسان حقلرینی حمایه قیلووچی تشکیلاتلرگه نامه یۉللب، پاکستان حدودیده‌گی افغان ژورنالیستلری و عاموی اخبارات واسطه‌لری خادملرینی حمایه قیلیش و قۉللب-قوتلشنی سۉردی.
تشکیلات،۱۴-عقرب، چهارشنبه کونی، اعلان قیلگن خبریده، اوشبو نامه‌گه ۳۰۰ نفر افغان ژورنالیستلری و عاموی اخبارات خادملری امضا چېکه‌نینی معلوم قیلگن.
نامه‌ده، پاکستان حکومتی ژورنالیستلرنی حبسگه آلیش و اولرنی مملکتدن چیقریش جریانینی توخته‌تیشی، شونینگدېک، اولرنی حمایه قیلیش اوچون ضروری خوفسیزلیک و حقوقی چاره‌لرنی تأمینلشی سۉره‌لگن.
شونینگدېک، خلق‌ارا همجمعیتدن افغان ژورنالیستلریگه انسانپرورلیک ویزه‌لرینی تېزلشتیریش، اولرنی قیته جایلشتیریش و زودلیک یاردم کۉرسه‌تیشده همکارلیک قیلیشنی سۉره‌لگن.
امسو تأکیدلشیچه، پاکستان حدودیده‌گی ژورنالیستلر نینگ حیاتی و اېرکینلیگینی حمایه قیلیش اوچون بو قۉشمه مراجعت انسانپرورلیک و عاموی اخبارات انقراضلرینی آلدینی آلیشده مهم قدملردن بیریدیر.
بو طلب پاکستان پولیسی نینگ افغان قاچقینلرینی، خصوصاً، ژورنالیستلر و فقرالیک همده انسان حقلری فعالیتینی آلیب بارووچی شخصلرنی جبردن حبسگه آلیش و چیقریش جریانلرینی کوچه‌یتیرگن بیر پیتده بیلدیریلدی.
