معاشلردهگی آسمانی فرق طالبان شرکتلریده؛ ۸مینگدن ۳۶۰مینگ افغانی گچه
امین کاوه
۸صبح گزیتهسی اۉتکزگن تحقیقی گزارش نتیجهلریگه کۉره، طالبان نظارتیدهگی دولت شرکتلری نینگ رسمیلری، اۉزلریگه آییگه ۳۶۰ مینگ افغانیگچه معاش بېلگیلگنلر، حالبوکه شو شرکتلر ایشچیلری جوده پست معاش و آغیر اقتصادی شرایطلر بیلن یوزمه-یوز تورماقدهلر.«برشنا» کبی شرکت خادملری ایش حقلری حتا کوندهلیک حیات خرجتلرینی هم قاپلهی آلمهسلیگینی بیلدیرگنلر. طالبان نینگ ینگی معاش نورمیگه بناءً، عادی خادملر اوچون اېنگ پست آیلیک فقط ۸ مینگ افغانی نی تشکیل اېتماقده، بیراق یوقاری لوازمدهگی عملدارلر نهفقط یوقاری معاش، بلکه قۉشیمچه امتیازلردن هم بهرهمند بۉلماقدهلر. اوشبو «ینگی معاش و باشقه امتیازلر نورمی» دېب ناملنگن حجت، تۉلاولر آلتیته کتگوری، بېشته اصلی قدمی و شرکت نینگ درآمد همده عملیاتلی فایدهسیگه قرهب بېلگیلنگنینی کۉرسهتماقده.
طالبان نینگ «دولت شرکتلری باش باشقرمسی» تامانیدن یوباریلگن ۹- میزان ۱۴۰۴ تاریخیده، رسمی مکتوبی برچه دولت شرکتلریگه «ینگی معاش و باشقه امتیازلر نورمی» تصدیقلنیب، عملگه تطبیق اېتیلگنی معلوم قیلینگن. مذکور خطده ایتیلیشیچه، بو قرار طالبان پالیسی، نظارت و بهالش معاونی تامانیدن قبول قیلینگن بۉلیب، مقصد «ملکهلی متخصصلرنی جلب اېتیش، خادملرنی رغبتلنتیریش، تۉلاولرده عدالتنی تأمینلش و امارتی شرکتلر فعالیتیده ثمرهدارلیک یرهتیش» دېب تعریفلنگن.
طالبان نینگ پالیسی، نظارت و بهالش بۉییچه معاونی، مولوی محمود شاهزاده، رسمی مکتوب آخریده شرکتلرنی اوشبو گروه نینگ مرکزی باشقرمسی بیلن رسمی مجلسلرده اشتراک اېتیشگه چقیرگن و ۱۴۰۴ ییل سنبله آییگه عاید آیلیک معاش حقوقلری همده ۱۴۰۳ ییلگی درآمد و خرجتلر گزارشلرینی اۉزلری بیلن آلیب کېلیشلرینی سۉرهگن.
طالبان نینگ «پالیسی، نظارت و بهالش معاونی» تامانیدن امضالنگن خط نسخهسی، طالبان دولت شرکتلری باش باشقرمسیدن ۸صبح گزېتهسی گه یېتیب کېلگن. مذکور حجتگه کۉره، بو گروه اۉز نظارتیدهگی برچه دولت شرکتلریگه یگانه رسمی مکتوب یوبارگن.«ینگی معاش نورمی و مجلس اۉتکزیشگه تکلیف» دېب ناملنگن بو خط «برشنا» شرکتیگه هم یوباریلگن.اوشبو مکتوبده یازیلیشچه: «مذکور اداره بېلگیلنگن جدول اساسیده امارتی شرکتلر مسووللری بیلن رسمی مجلسلر اۉتکزیشنی رېجهلشتیرماقده، شونده حجتلر کۉریب چیقیلگچ، هر بیر شرکت نینگ کتگوری، گرید و قدمی تۉغریسیده ضرور قرارلر قبول قیلینهدی.»
باشقه خطلرده اېسه، «امارتی شرکتلر معاش نورمی و باشقه امتیازلری» سرلوحهسی آستیده، بو گروه نظارتیدهگی کارخانه و شرکتلر نینگ مالیوی و تشکیلی حجتلرینی اۉرگنیش نتیجهسیده، خادملرگه تۉلاولر تورلیچه نورملرگه کۉره عملگه آشیریلهیاتگنی، شونینگدېک، اولر رغبتلنتیرووچی، رقابتبرداش و شرکتی مالیوی حالتیگه ماس میکانیسملردن محروم اېکنلیگی تأکیدلنگن.
طالبان بو مکتوبلرده ایضاح بېریب شوندهی دېگنلر: «رغبتنی کوچهیتیریش و ۹/۵/۱۴۴۶ سنهسیدهگی هبتالله آخوندزاده فرمانی نینگ (۱۶)-سانلی بندینی یخشیراق عملگه آشیریش مقصدیده، تکلیف اېتیلگن یگانه معاش نورمی لایحهسی مذکور فرمان نینگ ۶-مادهسی، ۶-بندی نینگ ۴-فقرهسیگه اساسا تیارلندی.» طالبان نینگ بیاناتیده ایتیلیشیچه، بو چاره متخصصلرنی جلب اېتیش، خادملرنی رغبتلنتیریش، عدالت تمایللریگه رعایه اېتیش، ثمرهدارلیک و باشقروونی آشیریش همده تورلیچه نورملر نینگ موجودلیگیگه برهم بېریش اوچون، شونینگدېک شرکتلر نینگ اساسی درآمدلری و عملیاتلردن فایدهلرینی حسابگه آلگن حالده عملگه آشیریلگن.
طالبان بو «ینگی معاش نورمی»نی قوییدهگی اداره و شرکتلر اوچون بېلگیلهگنلر: افغانتور، هوتللر، افغانستان نفت و گاز شرکتی، « آزادیلیک مطبعهسی»، اوروغلیک ایشلب چیقریش شرکتی، صکوک، «شمالی کۉمیر»، ارزاق تامیناتی، مرکزی سیلو، هلمند پخته و اۉسیملیک یاغی فابریکهسی، قندهار پشمینه بافلیک، گۉشت و سوت محصولاتلری تأمیناتی، «ملیبس» شهر یۉلاوچی تشیش شرکتی، بلخ سیلوسی، «بلخ پخته و یاغ فابریکهسی، مزار شریف اۉغیت و برق شرکتی، حربی قوریلیش موادلرینی ایشلب چیقریش ، «ابن سینا فارمسی ایشلری، سپینزر کندز، افغان گاز، «قندهار نساجیسی»، مکروریان پرورشلش خدمتی، افغان ملی بیمهسی، انترکانتیننتال هوتلی، افغان کارت، افسوتر، قول صناعتی، بلخ نساجیسی، پلخمری سیلوسی، قندهار مېوه، افتنتو، افغانستان شهر سوو تأمیناتی و کانالیزاسیونی، آریانا هوای یۉللری، استراس، افغان تېلکام، حجارلیک و نجارلیک، وادی ننگرهتر، افغان پُست، ملی رواجلنیش و «بغلان شکر فابریکهسی.
طالبان عملدارلری و اولر نظارتیدهگی شرکتلر خادملری نینگ آیلیک معاشلری
طالبان تامانیدن توزیلگن بیرینچی کتگوری جدولیگه کۉره، A گرید، بېشینچی قدمیده ایشلاوچی شخص آییگه ۲۰۰ مینگ افغانی معاش آلهدی. شونینگدېک، بو شخص شو قدمینگ ایکینچی فرعی قدمیده ۲۴۰ مینگ، اوچینچی فرعی قدمیده۲۸۰ مینگ، تۉرتینچی فرعی قدمیده ۳۲۰ مینگ و بېشینچی فرعی قدمیده ۳۶۰ مینگ افغانی آیمه-آی آلهدی.
طالبان نینگ اوشبو مکتوبیده قید اېتیلیشیچه، A گرید، بیرینچی اصلی و بیرینچی فرعی قدمیده ایشلاوچی خادم ۱۴۴ مینگ افغانی آیلیک معاش آلهدی و کېینگی قدملرده ماس روشده ۱۷۶ مینگ، ۲۰۸ مینگ، ۲۴۰ مینگ و ۲۶۴ مینگ افغانی آلهدی.
اوشبو کتگوری بۉییچه، تۉرتینچی اصلی قدمی و بیرینچی فرعی قدمیده ایشلاوچی شخص آییگه ۱۸۶ مینگ افغانی آلهدی و فرعی قدملری آرتگن سری ۲۲۴ مینگ، ۲۸۰ مینگ و ۳۳۶ مینگ افغانی مقداریده معاشگه اېگه بۉلهدی. شونینگدېک، اوچینچی اصلی قدمی و بیرینچی فرعی قدمیده ایشلاوچی شخص ۱۷۲ مینگ افغانی آیلیک آلهدی و کېینگی فرعی لرده ۲۰۸ مینگ، ۲۴۴ مینگ، ۲۸۰ مینگ همده ۳۱۲ مینگ افغانی آلهدی.
مذکور جدولده ینه قید اېتیلیشیچه، ایکینچی اصلی قدمی و بیرینچی فرعی قدمیده ایشلاوچی شخص ۱۵۸ مینگ افغانی آیلیک آلهدی و کېینگی فرعی لرده ماس روشده ۱۹۲ مینگ، ۲۲۶ مینگ، ۲۶۰ مینگ و ۲۸۸ مینگ افغانی مقداریده معاشگه اېگه بۉلهدی.
شونینگدېک، A گرید نینگ بیرینچی اصلی قدمی و بیرینچی فرعی قدمیده ایشلاوچی خادم۱۴۴ مینگ افغانی آلهدی و فرعی قدملری آرتگن سری۱۷۶ مینگ، ۲۰۸ مینگ، ۲۴۰ مینگ و ۲۶۴ مینگ افغانی آلهدی.
شونینگدېک، B گرید، بېشینچی اصلی قدمی و بیرینچی فرعی قدمیده ایشلاوچی خادم کېینگی فرعی قدملرده ماس روشده ۱۳۰ مینگ، ۱۶۰ مینگ، ۱۹۰ مینگ، ۲۲۰ مینگ و۲۴۰ مینگ افغانی معاش آلهدی.
طالبان کتگوری جدولیگه کۉره، B گرید، تۉرتینچی اصلی قدمی و بیرینچی فرعی قدمیده ایشلاوچی شخص اوچون معاش قوییدهگیچه بېلگیلنهدی: بیرینچی فرعی ده ۱۳۰ مینگ، ایکینچی فرعی ده ۱۶۰ مینگ، اوچینچی فرعی ده ۱۹۰ مینگ، تۉرتینچی بۉلینمهده ۲۲۰ مینگ، و بېشینچی فرعی ده ۲۴۰ مینگ افغانی معاش آله دی. طالبان معاش جدولیگه بناءً، اوچینچی اصلی قدمی و بیرینچی فرعی قدمیده ایشلاوچی شخص آییگه ۱۲۱ مینگ افغانی آلهدی و کېینگی فرعی لرده ۱۴۸ مینگ، ۱۷۵ مینگ، ۲۰۲ مینگ همده ۲۲۱مینگ افغانی آلهدی.
خودی شو جدولگه کۉره، B گرید، ایکینچی اصلی قدمیده ایشلاوچی خادم بیرینچی فرعی قدمده ۱۰۳ مینگ، ایکینچی فرعی قدمده ۱۲۴ مینگ، اوچینچی قدمده ۱۴۵ مینگ، تۉرتینچی قدمده ۱۴۸ مینگ، و بېشینچی قدمده ۱۶۲ مینگ افغانی آیلیک آلهدی.
بوندن تشقری، B گرید نینگ بیرینچی اصلی قدمی و بیرینچی فرعی قدمیده ایشلاوچی خادم آییگه ۹۴ مینگ افغانی آلهدی و کېینگی بۉلینمهلرده ماس روشده ۱۱۲ مینگ، ۱۴۸ مینگ و ۱۴۵ مینگ افغانی آیلیک آلهدی.
طالبان جدولیگه کۉره، l گرید نینگ بېشینچی اصلی قدمی و بیرینچی بۉلینمه قدمیده ایشلاوچی شخص آییگه ۱۲ مینگ ۵۰۰ افغانی معاش آلهدی، کېینگی بۉلینمهلرده اېسه ۱۳ مینگ و ۳۷۵، ۱۴ مینگ و ۳۱۱، ۱۵ مینگ و ۳۱۳ و ۱۶ مینگ و ۳۶۶ افغانی آلهدی.
شونینگدېک، اوشبو گرید نینگ بیرینچی اصلی قدمی و بیرینچی فرعی قدمیده ایشلاوچی شخص آییگه ۱۰ مینگ افغانی آلهدی، کېینگی بۉلینمهلرده اېسه ۱۰ مینگ و ۷۰۰، ۱۱ مینگ ۴۴۹ ، ۱۲ مینگ و ۲۵۰ و ۱۳ مینگ ۱۰۸ افغانی مقداریده معاش آلهدی.
شونینگدېک، طالبان نینگ آلتینچی جدولیگه کیریتیلگن عادی خادملر آییگه ۸ مینگ و ۴۰۰ دن ۱۰ مینگ و ۳۰۷ افغانیگچه معاش آلهدیلر، حالبوکه طالبان عملدارلری خودی شو جدول بۉییچه ۵۵ مینگ دن ۹۷ مینگ و ۵۰۰ افغانیگچه آیلیک معاش آلماقدهلر.
ینگی معاش تیزیمی، آلتی کتگوری، ۵ اصلی و ۵ فرعی قدمی
طالبان نینگ بو بویروق مکتوبیگه کۉره، ینگی معاش نورمی آلتی کتگوری، ۵ اصلی و ۵ فرعی قدمی اساسیده توزیلگن.طالبان معلوماتیده ایتیلیشیچه، بو تقسیمات شرکت لرنینگ نینگ مالیوی حالتی بیلن معاش چېگرهسی اۉرتهسیده تۉغریدن-تۉغری باغلیقلیکنی اۉرنهتهدی.
خطده کېلتیریلیشیچه، هر بیر شرکت ساغلام رقابت اساسیده، اۉزی نینگ اساسی درآمدی و عملیات فایدهسیگه قرهب، مسووللر و خادملر اوچون ماس ایش حقلرینی تۉلهش امکانیتیگه اېگه بۉلهدی. اوشبو مکتوبده ینه تأکیدلنیشیچه، معاشلر نینگ آشیریلیشی یاکه کمهیتیریلیشی اوشبو نورمده هر بیر شرکت نینگ اساسی درآمدی و عملیاتی فایدهسیگه بېواسطه باغلنگن و بو طرزده توزیلگن، تاکه طالبان شرکتلر فعال و ثمرهلی ایشلش آرقهلی یوقاریراق معاش تۉلهش امکانیگه اېگه بۉلسینلر.
طالبان مکتوبلریگه کۉره، بیرینچی کتگوری درآمدی ۱۰ میلیارد افغانیدن یوقاری بۉلگن شرکتلرنی، آلتینچی کتگوری اېسه درآمدی ۵۰ میلیوندن ۱۹۹ میلیون و ۹۹۹ مینگ و ۹۹۹ افغانیگچه بۉلگن شرکتلرنی اۉز ایچیگه آلهدی.
|
افغانستان شرکتی نینگ ییللیک درآمد چېگرهسی | شرکت نینگ عمومی خصوصیاتلری | معاش تۉلهش درجهسی (دولت نورمیگه نسبتاً) | |
|
بیرینچی کتگوری |
۱۰ میلیارد دن کوپراغ | ملی فایده بیرووچی شرکتلر(کانلر و مخابرات) | دولت معاشی یوقاری چېگرهسی ۳۰۰ فایزیگچه | |
|
ایکینچی کتگوری |
۵ دن ۱۰ میلیاردنی اورته سیده | بویوک تجارتی و خدمتلر شرکتی | دولت معاشی یوقاری چېگرهسی نینگ ۲۰۰ فایزیگچه | |
|
اوچینچی کتگوری |
۱ دن ۵ میلیارد نی اورته سیده | برقرار درآمدگه ایگه اورته شرکتلر | دولت معاشی یوقاری چېگرهسی ۱۵۰ فایزیگچه | |
|
تورتینچی گتگوری |
۲۰۰ میلیون دن ۱ میلیارد گچه | یریم اۉرته شرکتلر (قوریلیش،ایشلب چیقریش، ترانسپورت) | دولت معاشی یوقاری چېگرهسی ۱۵۰ فایزیگچه | |
|
بیشینچی کتگوری |
۵۰ دن ۲۰۰ میلیون گچه | امارتی کیچیک شرکت لر آز در آمد بیلن | دولت معاشی چیگره سی ۱۲۰ فایزگچه | |
|
آلتینچی کتگوری |
۵۰ میلیون دن کمراق | کیچیک شرکتلر و یا هم دولت گه باغلیق شرکتلر | دولت معاشلری نینگ نورمی اساسیده |
طالبان شرکت مدیرلری اوچون معاشلر، اجراچی رییس نینگ معاشی دولت معاشلری نورمی بۉییچه بیرینچی قدم ده ۳ برابر بېلگیلنگن. معاشدن تشقری، بعضی نقد بۉلمهگن امتیازلر هم کۉزده توتیلگن بۉلیب، اولر موبایل تلفن خرجتلری، موتر اجارهسی و یاقیلغی (بنزین)نی اۉز ایچیگه آلهدی. شو بیلن بیرگه، اوشبو امتیازلر دولت معاشلری نورمی بۉییچه و مالیه وزیرلیگی بېلگیلهگن حداقل مقدارگه رعایه قیلگن حالده قۉللنیلیشی کېرهک.
افغانستان مرکزی بانکی نینگ مالیوی خدمتلرنی رواجلنتیریش بۉییچه سابق مسوولی،میر شکیب میر، معلوم قیلیشچه: طالبان یوقاری درجهدهگی عملدارلریگه یوقاری معاشلر بېلگیلنیشی همده اولر بیلن قویی درجهدهگی خادملر اۉرتهسیدهگی، ییگیرمه برابردن آرتیق، کته تفاوت نهفقط نهایتده عدالتسیزلیکدیر، بلکه ایشگه بۉلگن روحی رغبت، تشبث و فعاللیکنی بوتونلهی یۉقاتگن. او تأکیدلهدی، بو حالت نتیجهسیده دولت مؤسسهلریده محصولدارلیک و ثمرهدارلیک کېسکین کمهیگن.
طالبان نورمی بۉییچه، ینگی معاش نورمی هر بیر کتگوری گه علیحده جدوللر بیلن بېلگیلنهدی و اولر A دن J گچه بۉلگن وظیفه گروهلری و ۱ دن ۵ قدم گچه بۉلگن تیزیم اساسیده توزیلگن. بیرینچی کَتگوری ده، A گروهی و ۵-قدم ده اېنگ یوقاری معاش ۳۶۰،۰۰۰ افغانی تشکیل اېتهدی، شونینگدېک، I گروهی و ۱-قدم ده اېنگ پست معاش تخمیناً ۱۰،۰۰۰ افغانی بېلگیلنگن.
| ایش قدمی | شرکتلر فایدهسی نینگ فایزی | معاشنی کتگوری نورمی بیلن سالیشتیرگنده آشیریش اصولی |
| ۱-قدم | ۵ فیصد دن کمراق فایده | معاشنی کتگوری نورمی بیلن سالیشتیرگنده آشیریش اصولی |
| ۲-قدم | ۵– فایزدن۱۰ فایزگچه فایده | معاش کتگوری اساسیدن ۵ فایز یوقاریراق بېلگیلنگن بۉلهدی |
| ۳-قدم | ۱۰ فایزدن ۱۵ فایزگچه فایده | معاش کتگوری اساسیدن ۱۰ فایز یوقاریراق بېلگیلنگن بۉلهدی |
| ۴-قدم | ۱۵فایزدن ۲۰فایزگچه فایده | معاش کتگوری اساسیدن ۱۵فایز یوقاریراق بېلگیلنگن بۉلهدی |
| ۵-قدم | ۲۰فایزدن یوقاری فایده | معاش کتگوری سی یوقاری چېگرهسیگچه (اېنگ کۉپ) تۉلهنهدی |
اوشبو مکتوبلر نینگ پشتو قسمیده کېلتیریلگن کی اگر شرکتلر نینگ اساسی درآمدی ۵۰ میلیون افغانیدن کم بۉلسه، اولر نینگ امتیازلری و معاشلری دولت معاشلری نورمیگه موافق بېلگیلنیشی لازم اېکن. اوشبو نورمگه کۉره، رییسلر و اولر نینگ اۉرینباسرلری اوچون معاش دولت معاشلری نینگ اېنگ یوقاری چېگرهسی نینگ ایکی یریم برابری (۲۵۰ فایز) بیرینچی قدمهده بېلگیلنگن.
مکتوبده شونینگدېک تأکیدلنگن کی موتر اجارهسی امتیازینی تۉلهش، اوزهیتیریش یاکه بېریش فقط شرکت نامیگه و پالیسی، نظارت و بهالش بۉلیمی بیلن موافقلیکده عملگه آشیریلیشی لازم و هېچ قچان شخص نامیگه یازیلمسلیگی کېرهک. شو بیلن بیرگه، اوشبو امتیازلرنی اوزهیتیریش یاکه عملگه آشیریش بۉلیم خبری بیلن بجریلیشی لازم، شونده تېکشیروودن سۉنگ، عمومی شرکتنی رهبریتی تامانیدن تصدیقلنیشی ممکن بۉلهدی.
طالبان نینگ ینگی معاش نورمیگه کۉره، اگر ناملنگن شرکتلر کېینگی ربعده مالیوی گزارشی (اېریشیلگن نتیجهلر)نی عمومی رهبریتگه تقدیم اېته آلمسه یاکه مالیوی نتیجهلر کۉرستسه، اولر نینگ عملیاتی درآمدی آلدینگی ربع گه نسبتاً ۲۰ فایز کمهیگن بۉلسه، اولرگه هېچ قندهی نامعاش امتیازلر بېریلمهیدی و معاشلری دولت نورمیگه موافق سازلنهدی.
طالبان اۉز نظارتیدهگی دولت شرکتلریده رهبرلر نینگ معاشینی آشیرماقده، شو بیلن بیرگه، اوشبو ادارهلردهگی عادی خادملر پست معاشدن ناراضی بۉلیب، برشنا شرکتی کبی اساسی یوکنی کۉترگن خادملر اوچون اېنگ کم معاش بېلگیلنگنینی ایتیشهدی. اوشبو خادملر طالبان رېژیمینی عدالتسیز و حتا ظلملی دېب تعریفلهیدیلر. اولر نینگ ایتیشیچه، طالبان خلق مالیدن اۉزلریگه یوز مینگدن آرتیق معاش بېلگیلهیدی، حالبوکه پست لوازملی خادملر، اولر بیلن بېواسطه علاقهسی بۉلمهگنلر، حتا نانی اوچون قیینهلهدی و شو بیلن بیرگه ایشدن بۉشهتیلیش خوفی آستیده قالهدی.
