احمدیان: طالبان‌نینگ «فلسطین» مقامتینی حمایت قیلگنی اوچون آلقیشله‌دی
۸صبح، کابل: طالبلرنینگ ۳۰ کیشیلیک هیاتی نینگ ایران‌گه بۉلگن سفری آقیمیده، بو گروه نینگ ریاست الوزراء اقتصاد اۉرین باسری ملا برادر ایران رهبری علی خامنه‌ای نماینده‌سی و بو مملکت ملی خوفسیزلیک کېنگشی کاتبی علی اکبری احمدیان بیلن اوچره‌شیب ملاقات قیلگن.
اوشبو اوچره شوو تیناوون ۱۴- عقرب یک‌شنبه کېچقرون بۉلیب اۉتگن. ملاقاتده هر ایکّی تامان منطقه خوفسیزلیک اۉزگریشلری و اسراییل همده حماس اۉرته‌سیده‌گی اوروشنی محاکمه قیلگنلر.
ایران رهبری نینگ نماینده‌سی بو اوچره‌شووده طالبان فلسطین نینگ اسراییل‌گه قرشی مقاومتیدن حمایت قیلگنینی آلقیشلب هر ایکبی تامان اۉرته‌سیده‌گی خوفیسزلیک همکارلیکلر کوچیتیریلیشی باره‌سیده تاکید قیلگنلر.
ایران عاموی اخبارات واسطه‌لری، اوچره شووده احمدیان ایران حقابه‌سی تامینله‌نیشی و ایکّی تامان منفعتیگه یۉنلتیریلگن سوو حوزه‌سی همکارلیکلری آشیریلشینی سۉره‌گن.
باشقه تاماندن طالبان اقتصاد اۉرین باسرلیگی نینگ اعلان قیلیشیچه، ملا برادر بو اوچره شووده، امنیتی همکارلیکلر آشیریلیشی باره‌سیده تاکیدلشدن علاوه، تجارتی علاقه کېنگه‌ییشی و بو گروه اداره‌سی آستیده‌گی افغانستان بیلن ایران اقتصادی مهم شریکگه ایله‌نیشیگه اشاره قیلگن.
برادر بو اوچره شووده چابهار بندری و هوایی ترانزیت بۉییچه هم ایران رسمیلری بیلن گپیرگن.
طالبان نینگ بو بلند مرتبه‌لی رسمیسی ایران نینگ افغانستان «جهادی نینگ ایکّی دوریده»گی همکارلیگیدن منتدارچیلیک قیلگن.
ایران عاموی اخبارات واسطه‌لری طالبان و بو مملکت نینگ فلسطین و اسراییل اۉرته‌سیده‌گی اوروش باره‌سیده گپیرگنلرینی خبر قیلگن، لېکن اقتصاد اۉرین باسرلیگی نینگ اعلامیه‌سیده بو تۉغریده هیچ قنده‌ی بیر اشاره بۉلمه‌گن.
بو بیلن بیرگه تیناوون (۱۴-عقرب یک‌شنبه کونی) کمیده ایران نینگ ایکّی عاموی اخبارات واسطه‌سی بیر خبر نشر قیلیب، اسراییل استخبارات تشکیلاتی (موساد) نینگ اوچ اعضاسی ایران نینگ اوچینچی باشقریله دیگن اوچاقلریگه هجوم قیلیش قصدیده بۉلگن بیر پیتده قۉلگه آلینیشی اوچون طالبلر همکارلیک قیلگن دېگن.
هنوزگچه بو خبرنی تصدیقلاوچی انیق گواه یۉق و طالبلر هم بو خصوصده بیرار نرسه دېمه‌گنلر.
