“نی” سورگونده: افغانستانده انترنت نینگ تۉلیق اوزیلیشی خلق حقلریگه خیانت دیر
۸صبح، کابل: سورگونده فعالیت یوریته‌یاتگن “نی” تشکیلاتی، طالبان نینگ بوتون افغانستان بۉیلب فایبر نوری انترنت خدمتلرینی اوزیب قۉییشینی ۴۰ میلیوندن آرتیق فقرا نینگ حقلریگه کته خیانت دېب اته‌دی.
تشکیلات، ۷-میزان، دوشنبه کونی، اعلان قیلگن بیاناتیده ایتیلیشیچه، فایبرنوری خدمتلری نینگ توخته‌تیلیشی بوتون مملکت بۉیلب عملگه آشیریلگن و بوندن سۉنگ اویه‌لی علاقه انترنتی هم ایزدن چیققن.
“نی” بو حرکتنی انسان حقلری نینگ و دینی-اخلاقی قدریتلر نینگ بوزیلیشی دېب تعریفله‌دی.
بیاناتده تأکیدلنیشیچه، طالبان هېچ قنده‌ی انیق سبب کۉرسه‌تمسدن، عینا اولر نینگ مخالفلری اسلام‌آبادده ییغیلیش اۉتکزیش عرفه‌سیده انترنتنی اوزیب قۉیگن.
“نی” شونینگدېک ایریم منبعلر نینگ تخمینلریگه کۉره، انترنت اوزیلیشی تۉرت نفر امریکالیک گروگردن بیری نینگ آزاد قیلینیشیدن کېین یوز بېرگن و بو امریکا بیلن بۉلگن بیتیم نینگ بیر قسمی بۉلیشی ممکنلیگی ایتیلگن.
تشکیلات نینگ فکریچه، انترنت نینگ تۉسیلیشی نه‌فقط خلق نینگ حقلرینی پایمال اېته‌دی، بلکه اولر نینگ تعلیم آلیش، اخباراتگه اېگه بۉلیش و تیریکچیلیک قیلیش امکانیتلرینی هم چېکله‌یدی همده افغانستاننی «علاقه عصریده اولکن قماقخانه»گه ایلنتیره‌دی.
“نی” آگاهلنتیریشیچه، طالبان بو یۉل بیلن اۉز «خبر و جنایتلری»نی خلق‌ارا جماعتچیلیک کۉزیدن یشیریشگه اورینماقده.
سورگونده فعالیت یوریته‌یاتگن “نی”، طالبان بیلن ملاقات آلیب باره‌یاتگن دولتلرنی افغان خلقینی قۉللب-قوتلش مقصدیده اولر بیلن هر قنده‌ی همکارلیکنی توخته‌تیشگه چقیردی.
تشکیلات، شونینگدېک، جسمانی ترماققه باغلیق بۉلمه‌گن انترنت خدمتلرینی تقدیم اېتیش امکانیتیگه اېگه بۉلگن دولت و تشکیلاتلرنی بو خدمتلرنی افغان خلقیگه تقدیم اېتیشگه چارلب، طالبان نینگ چېکلاولرینی ثمره‌سیز قیلیشگه دعوت اېتدی.
