هراتده طالبان‌نینگ نمایشچیلرگه اۉق اوزیشی؛ جبرییل‌ده بیر نېچه کیشی یره‌لندی
۸صبح، هرات: هرات منبعلری‌نینگ ایتیشیچه، جیبرییل حدودیده طالبان جنگچیلری تامانیدن عیاللر و اېرککلرگه قره‌ته اۉق اوزیلیشی نتیجه‌سیده اوشبو حدود اهالیسی آره‌سیدن بیر نېچه کیشی یره‌لنگن.
منبعلر سه‌شنبه کونی، ۱۹ جوزا، ۸صبح گزېته‌سیگه بو حادثه‌ده بیر نېچه کیشی یره‌لنگنینی تصدیقله‌گن.
حاضرچه یره‌لنگنلرنینگ انیق سانی معلوم اېمس، اما اجتماعی ترماقلرده ترقه‌لگن ویدیولرده آدملر طالبان نینگ اۉق اوزیشی اوج آلگن پیتده یره‌دارلرنی واقعه جاییدن آلیب چیقه‌یاتگنینی کۉریش ممکن.
ویدیولردن بیریده بیر ییگیت آیاغیدن یره‌لنگن باشقه بیر ییگیتنی یېلکه‌سیده کۉتریب کېته‌یاتگنی تصویرلنگن.
سه‌شنبه کونگی هراتده‌گی ناراضیلیک نمایشلری طالبان تامانیدن عیاللرنینگ عامه‌وی حبسگه آلینیشی آرتیدن باشلنگن.
محلی منبعلرگه کۉره، طالبان نمایشچیلرنی ترقه‌تیش اوچون اۉق اوزگن و ناراضیلیک ییغینلرینی باستیرگن.
محلی منبعلر حدودده تېز یاردم موترلری و طالبان‌نینگ رنجر موترلری تاووشلری هنوز اېشیتیله‌یاتگنینی تصدیقله‌یدی.
