سِرلی آدم اۉلدیریش‌لر کۉپه‌یشی؛ سمنگانده سابق حکومت‌نینگ بیر سارنوالی اۉلدیریلدی
۸صبح، سمنگان: سمنگان ولایتیده‌گی محلی منبعلر اوشبو ولایتده اۉتگن کېچه بیر سارنوال نامعلوم شخصلر تامانیدن اۉلدیریلگنینی اَیتماقده.
منبعلر شنبه کونی، ۳-اسد، ۸صبح گزېته‌سیگه بو شخص‌نینگ اسمی «نصرالله» بۉلگنینی اَیتدی.
او سابق حکومت قوله‌گنیدن سۉنگ حاضرگچه طالبان محکمه‌سیده سارنوال صفتیده ایشله‌یاتگن اېدی.
منبعلر اَیتیشیچه، نصرالله اۉتگن کېچه نامعلوم شخصلر تامانیدن بۉغیب اۉلدیریلگن.
خبرگه کۉره، محله اهالیسی بامداد نمازی وقتیده اونینگ جسدینی تاپگن.
حاضرچه مذکور سارنوال کیملر تامانیدن و قنده‌ی سبب بیلن اۉلدیریلگنی انیقلنمه‌گن.
بو طالبان حاکمیتنی اېگه‌لله‌گنیدن سۉنگ افغانستان‌نینگ اَیریم ولایتلریده نشانلی قاتللیکلر و نامعلوم قوراللی شخصلر هجوملری سانی آرتیب، خوفسیزلیک وضعیتی یوزه‌سیدن خواطرلر کوچه‌یگن بیر پیتده صادر بۉلماقده.
