سِرلی آدم اۉلدیریش‌لر کۉپه‌یشی؛ بادغیس‌ده بیر کیشی‌نینگ جسدی تاپیلدی
۸صبح، بادغیس: بادغیس‌دن بۉلگن منبعلرگه کۉره، اوشبو ولایت‌نینگ بالامرغاب تومنیده بیر کیشی‌نینگ جسدی تاپیلگن.
اوشبو منبعلر شنبه کونی، ۳۱ اسد، ۸صبح گزېته‌سیگه معلوم قیلیشیچه، بو کیشی‌نینگ جسدی ایکّی کون آلدین تاغده تاپیلگن.
معلوماتلرگه کۉره، اونینگ اسمی عبدالقاسم بۉلگن و او یېتّی کون آلدین بالامرغاب بازاریگه، کېین اېسه باشقه بیر قیشلاققه بارگن و بې‌درَک یۉقالگن.
منبعلرگه کۉره، بو کیشی اۉلدیریلگن.
حاضرچه اونینگ کیملر تامانیدن اۉلدیریلگنی و بونگه سبب نیمه بۉلگنی حقیده معلومات یۉق.
شو بیلن بیرگه، طالبان‌نینگ افغانستان بۉیلب خوفسیزلیکنی تأمینله‌گنی حقیده‌گی دعوالریگه قره‌مه‌ی، مملکت‌نینگ تورلی حدودلریده قوم آقسقاللری، سابق حربیلر و عادی اهالی‌لر‌نینگ سِرلی اۉلدیریلیشلری کۉپه‌یگن.
